林智樂開畫展宣傳新歌年輪海 Yumi新髮色撐場赴韓畢業旅行

林智樂 啱啱推出新歌《年輪海》，為咗宣傳新歌，佢聯同兩位藝術家以新歌為主題嘅舉行畫展，Felix嘅好朋友 Yumi鍾柔美 同 Hugo黃星綽 都有來撐場，Felix話好開心有機會以畫作會知音，Hugo就大讚Felix嘅作品好特別，睇上去好有層次感，原來Hugo對藝術都頗有研究。

啱啱考完DSE嘅Yumi，呢日睇上去心情輕鬆愉快，仲染頭咗新髮色，佢話好開心終於有時間見返啲朋友，來緊都會開始pick up返工作方面啲嘢，Yumi仲好興奮咁預告，已經plan緊會同同學去畢業旅行，至於地點就揀咗韓國。

Felix好快會同潘靜文、張馳豪一齊開騷，歌單已經定好晒，來緊就要開始練舞，不過Felix話受限於時間關係，自己今次就冇得跳舞，至於嘅騷會以舞台劇嘅方式呈現，希望可以帶到新鮮感俾大家。