更多
2021-09-04
1133 瀏覽
得知山頂的太平山餐廳八月中起閉門大裝修,提醒我要寫返篇食評記錄一下七月尾的體驗。太平山餐廳既古典英國田園風格散發出濃濃歷史味,給人高檔、高消費的感覺。大姐我雖不是富婆,但疫情之下無得外遊要留港消費,就當自己是遊客,上山頂,做下老襯,志不在食物,而在餐廳的歷史氣息及美景。門外有個牌,介紹餐廳歷史:1888年時興建山頂纜車時,此處是供英國工程師工作及休憩的地方。1901年改為為轎子停放處,1947年起改作西餐廳用途,名為山頂餐廳,其後易手,改名太平山餐廳。已被列入香港二級歷史建築。 門外佇立一座伊利莎伯二世ERII 英式郵筒這座英國愛德華式建築物,其古老石牆、紅色金字塔屋頂、石砌煙囱、拱形大木門加上被周邊濃密高大翠綠的樹木圍著,與對面新穎、龐大的山頂廣場比,反而更顕其位處山頂應有的秀雅玲瓏,矜貴有涵養,有如一位嬌小的古典美人,年紀雖大但氣質高貴。步入餐廳,內裡見到木造的屋頂和橫樑,古舊的裝潢佈置,感覺好似返咗去上個世紀。行出去露天茶座,有株獨木成林的印度橡樹,在這個時光停留在殖民地時代的空間,自由地向四周伸展。樹後是整個維港風景。當日是周五中午,早上灑過雨,客人不多。我們坐
太平山餐廳既古典英國田園風格散發出濃濃歷史味,給人高檔、高消費的感覺。大姐我雖不是富婆,但疫情之下無得外遊要留港消費,就當自己是遊客,上山頂,做下老襯,志不在食物,而在餐廳的歷史氣息及美景。
門外有個牌,介紹餐廳歷史:1888年時興建山頂纜車時,此處是供英國工程師工作及休憩的地方。1901年改為為轎子停放處,1947年起改作西餐廳用途,名為山頂餐廳,其後易手,改名太平山餐廳。已被列入香港二級歷史建築。
門外佇立一座伊利莎伯二世ERII 英式郵筒
這座英國愛德華式建築物,其古老石牆、紅色金字塔屋頂、石砌煙囱、拱形大木門加上被周邊濃密高大翠綠的樹木圍著,與對面新穎、龐大的山頂廣場比,反而更顕其位處山頂應有的秀雅玲瓏,矜貴有涵養,有如一位嬌小的古典美人,年紀雖大但氣質高貴。步入餐廳,內裡見到木造的屋頂和橫樑,古舊的裝潢佈置,感覺好似返咗去上個世紀。
行出去露天茶座,有株獨木成林的印度橡樹,在這個時光停留在殖民地時代的空間,自由地向四周伸展。樹後是整個維港風景。當日是周五中午,早上灑過雨,客人不多。我們坐在室內窗邊位置,無語時候靜賞窗外美景,讚歎香港地真係好鬼靚!
😺:罐罐一份,pls.
講返食物。大眾公認,嚟呢度係食景感受歷史,食物水準一般,無需多費筆墨。唔系差但性價比低兼份量少。
這個二人份併盤竟然要$548
服務更係襯吾上呢個咁靚嘅場。 幫我哋落單個位waiter 九吾搭八,答非所問。我朋友走出去想行落石階參觀下(沒有不准進入標示)有位似係啱啱係茶記轉埸過嚟既waitress 大聲喝佢話「呢度唔落得去嫁!」(無「小姐,吾好意思」等開場白)其實可以禮貌少少表達囉!
總括來說,太平山餐廳在位置、環境、風景方面都得天獨厚,建築物靚靚兼具歷史價值,已經嬴在起跑線。期望餐廳裝修後,保留原有優勢,致力改善餐飲及服務水平,做間香港人引以為傲的餐廳!
張貼