阿仙奴喜訊！奧迪加特答應續約

英超開季成績理想嘅阿仙奴，近日再收到好消息，據報球會已經同隊長馬田奧迪加特達成續約協議，新約將會去到2027年，馬田奧迪加特亦強烈暗示將會正式續約。

24歲嘅馬田奧迪加特2年前加盟阿仙奴後，迅速成為球隊主力兼隊長，早前更入選金球獎30人候選名單，佢同阿仙奴嘅合約去到2025年完結，為盡早綁住呢位靈魂人物，阿仙奴已提早展開續約談判，消息指雙方已達成共識，新約會去到2027年(另加1年續約條款)，依家11萬鎊(約110萬港元)周薪會大幅調升。

馬田奧迪加特日前為挪威出戰歐國外，被記者問到續約一事，佢已作出強烈暗示：「我冇乜可以講，唯一可以講嘅係我喺阿仙奴好開心，希望可以長時間喺呢間球會效力，不過我依家要先專注國家隊比賽。」