【Team Lab進駐】名古屋機場新景點！第二航廈開Team Lab

講起Team Lab相信大家都識，大玩視覺效果同藝術裝置，近年全球不同地方巡現都成為當地人嘅打咭勝地，可以話係最潮展覽。名古屋中部國際機場第二航廈就會於9月開幕使用，呢個唔單單係一個航廈咁簡單，仲有唔少嘢玩，而其中Team Lab就會進駐其中！呢個航空版Team Lab當中，有一架已退役嘅波音787客機於其中，一如以往由Team Lab團隊設計無數投影，每半個鐘更會有一個長達8分鐘嘅燈光Show，將波音787建造成一個無與倫比嘅藝術裝置。除此之外，遊客仲可以直接走入客機入面，原來裡面一樣有Team Lab嘅設計。除咗Team Lab之後，第二航廈仲有首間非於美國本土嘅波音專門店，大量波音飛機嘅紀念品有售！其實名古屋中部國際機場不嬲都被視全日本最「好玩」機場，因為當中仲有溫泉浸，可以浸住溫泉睇飛機升降；如今再加埋第二航廈，除時預早大半日過嚟機場邊玩邊等上機好過啦！

名古屋中部國際機場有Team Lab負責嘅樂園。

連飛機內部都可以入去睇同玩！

波音飛機專門店，為美國國外首間。

相關文章：

文森城堡-巴黎近郊中世紀王家城堡

猿田彥珈琲來台再開店-開幕推黃金芒果鬆餅

東京最想居住街區出爐第一位係吉祥寺

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！