孫慧雪宣布離巢後勁多job搵上門　原來兩年前已萌生去意

孫慧雪早前宣布與無綫結束18年賓主關係，今晚（6日）她出席手機發佈會活動時，透露自從宣布回復自由身後，反而多咗人搵佢出job。「都幾估唔到，真係新聞出咗之後，嗰兩日搵我嘅人係有少少誇張，自己都開心，希望接到晒。」阿雪透露除了拍片外、亦有不少與補品與她接洽，由於部分工作可以在家中進行，所以並不太影響照顧小朋友。

孫慧雪又指與無綫關係依然友好，最不捨一班台前幕後，特別是歐瑞偉，但因不想錯過小朋友成長，所以決定離巢。「好多人都話突然，但都考慮咗兩年，我陀嘅時候都有話想傾，但生完真係搞唔掂。」阿雪認為除了是小朋友外，自己亦想多作其他嘗試，而她亦與其他電視台接洽，不過仍未落實，希望盡快有好消息帶俾大家。