想同閨密喺cafe影文青相呃下like?唔使出到港島嘅,旺角就有好多高質選擇。唔單止嘢食好味又多選擇,裝修佈置仲好靚,可以瘋狂影相! 呢3間Cafe:小房子、包販子,同埋老二花廳,都係人氣旺角Cafe嚟架!
登入 瀏覽本網站,可獲取積分換領專屬優惠
點擊查看專屬優惠
1. 小房子
位於旺角西洋菜街嘅小房子CAFE,係唔少女生嘅聚腳地啊,店入面有好多乾花佈置,影相超靚,環境仲好舒服!
CAFE仲有美味嘅食物,好有日式和風感,有cake、飯、冷烏冬、飲品等等。
仲有日本超出名嘅櫻花水信玄餅!
CAFE内仲有靚靚乾花可以買,買紮送俾閨密,然後可以一齊拎住影相!
小房子
地址:旺角西洋菜南街4號昌記大廈2樓c室
營業時間:星期一至日2:00-10:00
2. 包販子
包販子CAFE有好多美食,岩晒同小吃貨閨密嚟!當中就以佢哋嘅漢堡包最出名,款式好多,必試嘅有咕嚕菠羅雞包。
店內嘅設計就較簡約,加埋好有個性嘅插畫,俾人好寫意嘅感覺。
包販子嘅薯條都幾好味架,睇見都流晒口水啦!
嘢食賣相超吸引,望住都流哂口水!
店內仲有書籤、信封、膠紙等文具售賣,文青最愛啊!
包販子
地址:太子通菜街254號地舖
營業時間:星期二至星期日 12:00-22:00(星期一休息)
3. 老二花廳
老二花廳CAFE主打懷舊復古,非常特別!店內坐位唔多,但係勝在夠味道。
識坐一定係坐窗邊,勁有Feel啊!
老式的凳子、收音機,好似返左去80年代嘅香港!
食物都真心正架,有飯、雞翼、薯條,嚟食個晚餐、High個tea都開心!
老二花廳
地址:旺角山東街80-82號一樓
營業時間:星期一至星期日15:00-00:00