【粉塵爆炸】浸大女生指「意外冇人想」籲停止炒作！網民反駁：今次係人禍

| shiuhk | 23-11-2018 17:49 | |

浸大宿舍日前發生粉塵爆炸事件，一班大學生舉辦生日會期間玩潑麵粉，結果引致粉塵爆炸，多人被燒傷。由於早年台灣曾發生過「八仙樂園派對粉塵燃燒事故」，所以不少網民都認爲「玩麵粉有危險」是基本常識，並直斥這班學生「冇腦」。到今日，一名浸大女學生在 Instagram 出帖指學生「有用腦」、「意外冇人想」，怒斥網民、媒體炒作。結果，卻被一衆網民圍插。

【相關報道】【FAQ】粉塵爆炸可以好「日常」？麵粉奶粉都是高危粉塵！

該名女學生在 IG 出圖配字，表示「連登講到特登玩火咁話學生抵死，記者又為左影材料故意挑釁」，所以指出「意外冇人想，希望停止炒作」。女學生繼續指出，自己在上個月慶生都有玩麵粉，並澄清在玩的時候「有用腦有注意安全」，斥責網民言論不尊重、沒有人性。結果，有網民竟然進行了人肉搜尋兼公審，而女學生亦最終敗走刪去所有帖文。

有網民就認同女學生所說，留言指：「香港人模式該_既唔_，做學生就乜都要比人_兩句」、「有幾多人事前講得出麵粉會搶火？成日拉台灣單野嚟講」、「學生就係原罪，大人的世界，錯永遠係人地錯。算吧，仲要起人底」、「自己 ig 打咩都要俾人公審」然而更多網民就表示不認同，紛紛留言指：「玩出禍既時候唔係諗改過，而係怪人地太多事！！？」、「做錯嘢都唔識悔改難為人哋老豆老母養大啲仔女令到人哋毀容」、「有腦就唔會咁玩喇，前車可鑒」、「意外多數是指無可避免地發生，人禍是人為因素」、「玩蛋糕咪算囉，『意外』同『人禍』未識分係度反擊人，多可憐的小學雞」、「啱嘞，死口唔認就得嘞，畢業後有資格做高官」、「人少少咪認囉，成班高分低能」、「衰了又要人尊重你，沒事嗎？」、「大學生鬧人時又唔見咁講？！」、「如果佢係比人撒麵粉而燒爛臉果個，我諗緊佢會寫啲乜野？」大家又撐哪一邊？