疫情反反覆覆，香港人要長期留港冇得去旅行，用時亦令家長非常頭痕。今次HongKong Card就為大家搜羅全港18區嘅親子好去處，無論係親親大自然定係戶內活動，總有一處喺你附近，趁週末出去一家人放鬆下，最緊要帶小朋友放電！家長們記得留意埋每個地方嘅收費，放電同時亦錫住荷包，最好揀張信用卡賺回贈啦。
中西區 親子好去處
中西區海濱長廊
海濱地區係理想嘅親子休憩地點，小朋友多地方走動，戶外空氣流通亦較好。中西區海濱長廊設有「海中心公園」休憩區，於2018年中正式啟用。位於一號碼頭嘅海洋主題遊樂場置有木質兒遭遊樂設施，二號碼頭嘅木板自由空間則可以俾小朋友運動同踏單車。中意靜態活動嘅家庭亦可以係海濱長廊嘅休憩草地野餐同欣賞日落，共享天倫。
入場費：費用全免
地址：西區副食品批發市場（鄰近西環貨物碼頭）
電話： /
網址：/
開放時間：全日24小時開放
灣仔區 親子好去處
灣仔民間故事館
位於一級歷史建築「藍屋」內，前身係「灣仔民間生活館」。故事館以「從民間出發 ‧ 匯多元文化」為宗旨，為市民舉行各類型嘅展覽、工作坊同社區導賞，希望借此向大眾推廣地區文化保育。小朋友係故事館內可以一睹昔日香港嘅生活文物，包括黑膠碟、打字機、書本等，了解時代變遷。
入場費：費用全免（體驗及導賞則需收費，一般HK$100/位）
地址：灣仔石水渠街 72A 號地舖及慶雲街 4 號地舖
電話：/
網址：https://vivabluehouse.hk/tc/menu/27/story
開放時間：： 10:00am – 6:00pm (星期三及特別公眾假期休館)
東區 親子好去處
鰂魚涌公園
坐落港島東區海濱嘅公園，1994已經啟用，佔地達12.49公頃，係附近居民休憩運動嘅好去處。公園內設有多個戶外康樂設施，包括觀景台、自然保育園地、兒童遊樂場等。公園最有特色係園內放左架真嘅滅火輪 – 「葛量洪號」。「葛量洪號」早係五十年代已經投入服務，曾參與無數海上救援任務，直至2002年退役後改建成「葛量洪號滅火輪展覽館」。船上展出獨特嘅消防文物，小朋友亦可以親身登上滅火輪參觀，相信係幾特別嘅體驗。
入場費：費用全免
地址：鰂魚涌太古城
電話： 2513 8499
網址：https://www.lcsd.gov.hk/tc/parks/qbp/index.html
開放時間：公園24小時開放； 康樂設施7:00am – 11:00pm；葛量洪號滅火輪展覽館 星期一、三至日10:00am – 6:00pm
南區 親子好去處
赤柱市集
港島南區以異國風情聞名，想帶小朋友過一個充滿渡假感嘅週末，不妨入赤柱行下。赤柱商店林立，其中以赤柱市集最具特色。市集內巷弄錯縱複雜，商店同攤檔販賣手工藝品、特區精品、畫作等，尤如置身外國老街，啱晒同小朋友一齊去尋寶。
入場費：費用全免
地址：赤柱赤柱大街2號
電話： /
網址：/
開放時間：10:00am – 7:00pm
深水埗區 親子好去處
D2 Place Lost Junior
介紹得當然唔止市集咁簡單啦！D2 Place入面嘅Lost Junior密室逃脫就好適合比小朋友動動腦筋。同一般嘅密室逃脫唔同，Lost Junior係專為小朋友同初級玩家而設，避免驚嚇主題，只要小朋友夠6歲或以上就玩得㗎啦！埸內有4個主題館可供選擇，需要6至8人嘅團隊合力於35分鐘內破解密碼，走出密室。遊戲訓練小朋友社交、認知及解難能力，亦幫助小朋友應環境變化，喺娛樂學習生活技能。
入場費：HK$150
地址：香港九龍荔枝角長順街15號#304舖
電話： 2890 2093
網址：https://losthk.com/about-lost-junior/
開放時間：星期一至五11:45am – 9:00pm (最後入場時間8:00pm); 星期六日及公眾假期11:00am – 9:30pm (最後入場時間8:45pm)
油尖旺區 親子好去處
西九文化區
西九文化區近年除左係文青打卡熱點，亦係親子同寵物友善熱點。坐落維多利亞港海旁，家長帶同小朋友沿海濱長廊漫步，欣賞本地城市美景，亦可於園內野餐嬉戲，非常寫意。除了戶外活動，家長亦可與小朋友參觀新開幕嘅戲曲中心同M＋視覺文化博物館，感受文化氛圍之餘，欣賞兩座大樓富有現代感嘅設計。
入場費：全免。表演、戲場、導賞團除外（參考西九文化區購票節目）
地址：尖沙咀西九龍文化區
電話： 2200 0022（每日上午10時至晚上9時 ）
網址：https://www.westkowloon.hk/tc/home/home-page
開放時間：6:00am – 11:00pm
樂高探索中心
世界各地都有Lego主題嘅樂園，而香港首個Legoland終於喺今年3月頭開幕啦！選址尖沙咀K11 Musea，地埋位置非常方便。Legoland佔地30,000平方呎，共分成兩10個樂高主題園區。「迷你天地」以超過一百萬塊樂高積木呈現迷你版香港，包括廟街、中環、山頂等為人熟悉嘅景點，場景更為隨住時間由白晝轉為夜晚，非常寫實。園內其他設施例如古堡歷險、魔法轉盤等互動性亦好高，可以促動一家人嘅默契。
如果小朋友係Lego迷，家長不妨考慮整全年通行證（價值HK$799），平日無限次入場，去三四次就回本，而且係園內用餐、購買精品都可享九折優惠。
入場費：HK$240
地址：九龍尖沙咀梳士巴利道18號K11 MUSEA地庫1樓B131-133號
電話： 2143 7300
網址：https://www.legolanddiscoverycentre.com/hong-kong/
開放時間：星期一至日 11:00am – 8:00pm (最後入場7:00pm)
九龍城區 親子好去處
香港玩具博物館
現代人生活節奏忙碌，唔少家長習慣比小朋友用iPad、手機等電子產品自得其樂，令玩具對小朋友嘅重要性大不如前。其實玩玩具唔單止可以訓練小朋友社交技巧同想像力，更加代表左嗰個年代嘅經典同流行文化。如果小朋友平日比較少接觸玩具，家長不妨帶小朋友去參觀樂富廣場嘅香港玩具博物館。展覽收藏左好多種類嘅懷舊玩具，包括經典嘅鐵皮玩具要、八九十後最愛嘅Sailor Moon同星矢等。家長可以同小朋友分享佢地嘅童年回憶，亦鼓勵小朋友重拾玩玩具嘅溫度。
入場費：費用全免
地址：樂富廣場A區3樓
電話： 2338 4442
網址：/
開放時間：每日11:00am – 10:00pm
牛棚藝術村
原址為前馬頭角牲畜檢疫站，牛棚藝術公園經活化後於2019年正式啟用，成為土瓜灣區內康樂及推廣文化藝術的場地。紅磗建築群令牛棚睇落相當有文藝氣息，磚牆上的攀藤植物、懷舊嘅綠色窗框同大門等，均係牛棚歲月嘅痕跡，家長可以帶小朋友尼上一堂活生生嘅歷史課。牛棚至今已經有十多個藝術團體駐紮，來訪人士亦可欣賞陳列工作室窗前嘅作品，感受文化氛圍。
入場費：費用全免
地址：土瓜灣新山道39號
電話： 2987 5997
網址：https://www.lcsd.gov.hk/tc/parks/cdap/index.html
開放時間：每日7:00am – 10:00 pm
黃大仙區 親子好去處
Play Two Learn
比起其他室內遊樂場，Play Two Learn嘅面積唔算大，但麻雀雖小五臟俱全，基本嘅波波池、彈床等都有齊。最特別係有煮飯仔及角色扮演區，有唔少造型好迫真嘅道具，滿足小朋友嘅想像力！要留意嘅係，遊樂場超時係會收費㗎，玩得開心嘅同時都要睇住時間啊。
入場費：HK$70/小時（包一名成人及一名小孩），額外成人HK$40/位
地址：龍翔道110號翔盈里2號舖
電話： /
網址：https://www.instagram.com/playtwolearn/
開放時間：星期一至四10:30am – 8:00pm ; 星期五10:30am – 8:45pm ; 星期六10:00am – 8:45pm；星期日10:00am – 8:00pm
觀塘區 親子好去處
佐敦谷公園
由佐敦谷堆填區活化而成嘅敦谷公園佔地約6.3公頃，係區內最大嘅公園，設有非常多元化嘅室內外康樂設施。最值得一提係園內國際水平嘅日遙控模型賽車場，可以舉辦大型嘅遙控賽車比賽。其他特色設施包括自然保育園地、迷宮花園、溫室等，足夠小朋友玩足一日啦！
入場費：費用全免
地址：九龍觀塘新清水灣道71號
電話： 2342 2241
網址：https://www.lcsd.gov.hk/tc/parks/jvp/index.html
開放時間：每日9:00am – 6:00pm
Mabaland（已暫時停業）
如果想比小朋友跑跑跳跳、盡情發洩精力，Mabaland係個安全又經濟嘅選擇。佔地5000多呎嘅Mabaland係兒童室內健體運動遊樂場，場內分為六大遊樂區，設有VR遊戲區、積木樂園、彈床、攀爬等多種玩樂設施，訓練小朋友嘅觸覺、聽覺及視覺，係遊戲中獲取生活經驗。門票百幾蚊可以玩足一日，仲包埋一名同行成人，相當實惠。Mabaland另設包場服務，係開生日會、party嘅好選擇。Mabaland現時已暫停營業，未知會否重開，請留意Mabaland FB動態。
入場費：星期一至四HK$100/日* / 星期五及特別日子HK$115^ / 星期六、日及公眾假期HK$170**（包括1位小朋友及1位16歲以上人士）
註*額外每位成人HK$35/位 / ^額外每位成人HK$35 / **額外每位成人HK$45/位
地址：九龍灣得寶花園 地下 TBG mall (牛下新城) T138舖
電話： 3709 2004
開放時間：星期一至五及特別日子12:00nn – 9:00pm / 星期六、日及公眾假 11:00am – 9:00pm
葵青區 親子好去處
青衣公園
佔地7.09公頃嘅青衣公園坐落多個屋苑及商場之間，加上離青衣港鐵站只有三分鐘嘅路程，非常方便一家大細前來遊玩。園內唔單止設有野餐區、瞭望台同兒童玩樂設施，更加有湖畔靚景，可以話係市區內嘅小綠洲。如果撞啱季節，什至可以係公園影到紅葉同候鳥。
入場費：費用全免
地址：新界青衣青敬路60號
電話： 2435 0533
網址：https://www.lcsd.gov.hk/tc/parks/typ/index.html
開放時間：5:30am – 11:30pm
荃灣區 親子好去處
愉景新城D·PARK
愉景新城係新界西首個地標式親子商場，面積達63萬平方呎，擁有超過140間店舖及旗艦店，滙集消費及娛樂。場內設有4個多元智能專區，為小朋友提供多項多元智能活動及課程。四月中起愉景新城正進行「印印 ∙ 賞食」活動，星期一至五於指定餐飲商戶即日電子單一消費滿$100，可獲印章1個，可用作換領餐飲現金券同DP Club積分，如果同小朋友去玩記得食埋野，唔好錯過優惠啊！
入場費：費用全費
地址：新界青山公路－荃灣段398號
電話： 2940 2822
開放時間：10:00 am - 10:00 pm
屯門區 親子好去處
T-Park
近年環保議題越嚟越得到重視，教育下一代同大自然相處好重要。T-Park係香港首個自給自足嘅污泥處理設施，亦係一個實踐「轉廢為能」和資源回收嘅環境教育中心。小朋友係尼度唔單止可以親眼目睹先進焚化爐轉廢為能嘅過程，更加可以參加唔同嘅工作坊，例如紙包飲品盒零錢包工作坊等，學習係日常生活中將循環再用，減少廢物同碳足跡。
入場費：費用全費
地址：屯門曾咀稔灣路 25 號
電話： 2910 9700
開放時間：10:00am - 7:00pm
元朗區 親子好去處
菠蘿園有機薈低碳農莊
農莊以「有機菠蘿園」為主題，自2017年開幕以來一直好受小朋友同年輕人歡迎。菠蘿園最大嘅特色係引入左4隻澳洲羊駝（草泥馬），小朋友可以親手餵佢哋同埋近距離合照，一解旅行癮。農莊仲有大草地、燒烤場、露營區、遊樂場等多個區域，令你嘅親子時光更多元化。
入場費：3-12歲小朋友$100；成人$150（包括一天通行證、紀念品及遊戲入場券）
地址：新界元朗錦田四排石村(鄰近西鐵錦上路站A出口)
電話： 5579 2178 / 3489 2778
網址：https://gogreenlife.com.hk/
開放時間：10:00am - 6:00pm
濕地公園
佔地61公頃嘅濕地公園位於天水圍北部，係一個集自然護理、教育及旅遊用途於一身嘅生態緩解區。家長可以帶小朋友走入濕地保護區，親睹淡水沼澤、紅樹林等濕地生境，沿途更可以發挖濕地生態，例如候鳥同彈塗魚，培訓小朋友環境意識。
入場費：3歲以下小童免費；3歲至17歲小童、全日制學生 $15；成人$30
地址：香港新界天水圍濕地公園路香港濕地公園
電話： 3152 2666
網址：https://www.wetlandpark.gov.hk/tc
開放時間：10:00am - 5:00pm； 星期二休息
元朗大棠有機生態園
大棠係唔少九十後嘅童年回憶，園區分為生態園、馬房同有機園三大區域。小朋友可以到繩網陣同兒童遊樂場郁動身體同腦筋，亦可以到荷花池、湖心亭等放鬆身心，賞湖光山色。園內亦有餵飼小動物同騎馬嘅體驗，係培養小朋友愛心嘅好機會。
入場費：入場費$50；假日活動套票$130（ 包括入場費及活動套票4格）
地址：香港新界元朗大棠山道十一號
電話： 24702255
開放時間：9:00am - 6:00pm； 星期二休息
北區 親子好去處
禾田喜山
禾田喜山種植園有香港罕見嘅真草滑草坡，高山滑草場全長70米，高低起伏，小朋友坐上高卡車衝次，一嚐做戶外小車手嘅快感！另設有兒童滑草場，比較年幼嘅小朋友同家長同樂。其他康樂設施包括水道巨型泡泡球、手搖船、砂池、繩網等，保證小朋友盡興而歸。注意園區不設walk-in，客人需於最少2天前在網站預約及繳費。
入場費：成人或3-12歲小童 $150 ; 2-3歲幼童或65歲以上長者 $80
地址：新界沙頭角塘肚村(沙頭角農莊直入)
電話：6010 5978
網址： https://www.wadakiyama.com/
開放時間：10:30am - 4:30pm
大埔區 親子好去處
大埔海濱公園
佔地約22公頃嘅大埔海濱公園係康文署轄下最大嘅公園，提供多項體育設施，並設有昆蟲屋、西式花園、兒童遊樂場、海濱長廊、模型船水池及香港回歸紀念塔等，每個地方都各有特色美景，家長亦可以同小朋友係海濱長廊租單車四處遊覽。
入場費：費用全免
地址：大埔大發街
電話：2667 5489
網址： https://www.lcsd.gov.hk/tc/parks/tpwp/index.html
開放時間：公園24小時開放；昆蟲屋8am - 7pm; 香港回歸紀念塔 7am – 7pm; 門球場 7am-6pm; 草地滾球場 星期二至五8am-1pm, 6pm-10pm/ 星期六、日及
公眾假期 8am-10pm
嘉道理農場
嘉道理農場暨植物園於今年二月份重開，佔地148公頃嘅農園內有豐富嘅動植物物種，非常適合親子活動。園區入口到觀音山來回路線全長約5.5公里，適合小朋友及行山新手，沿途可欣賞唔同嘅花㚏，並探訪赤麂、狨猴及豹貓等動物。注意農場正實施人流管制，建議早少少到排隊入場。
入場費：成人 $30；小童 $15
地址：香港新界大埔林錦公路
電話：2483 7200
開放時間：9:30am – 4:00pm
沙田區 親子好去處
香港文化博物館
又係博物館？小朋友有冇心機睇㗎？集歷史、文化同藝術於一身嘅文化博物館特別設有兒童探知館，展品為4至10歲嘅小朋友而設，俾小朋友係遊戲中認識大自然、昔日本土情懷及考古嘅樂趣。館內附設有「香江童玩」展覽，唔單止俾小朋友一睹昔日風靡一時嘅古董玩具，更加讓重溫兒時舊夢、回味童年。除左兒童探知館外，文化博物館仲有另外11個展覽館，包括金庸館、粵劇文物館等，如果追求更深入嘅文化體驗，家長亦不妨帶小朋友參觀下。
入場費：免費入場
地址：香港新界沙田文林路一號
電話： 2180 8188
網址：https://www.heritagemuseum.gov.hk/zh_TW/web/hm/highlights.html
開放時間：星期一、三至五10:00am – 6:00pm; 星期六、日及公眾假期10:00am – 7:00pm; 聖誕節前夕及農曆新年除夕10:00am – 5:00pm; 星期二(公眾假期除外)、農曆年初一及初二休館
西貢區 親子好去處
鹽田梓
又稱「鹽田仔」嘅鹽田梓，看似只係一個普通嘅西貢外島，但絕對係集綠色、文化、宗教及歷史嘅本地遊體驗。鹽田梓有近三百年嘅歷史，因為當年村民賣鹽為生而得其名，與大澳並列香港五大鹽田。隨住工業化及世代轉變，本地造鹽業息微，鹽田已經買少見少！家長可以同小朋友參加鹽田梓假日導賞團，由舊村民帶領參觀碩果僅存嘅鹽田，並示範傳統造鹽工藝，將幾近失傳嘅手藝活現俾下一代。另外，鹽田梓亦係香港少數全村信奉天主教嘅客家村落，島上的聖若琵堂更曾獲頒聯合國「文化遺產保護」優異獎，相當有特色。
入場費：HKD60（包含來回渡輪船票、觀聖若瑟小堂和鹽田的費用）
地址：西貢鹽田梓
電話：/
開放時間：星期六、日
交通： 西貢碼頭通記酒家對出乘搭街渡，船程約15分鐘
船期：去程10:00am – 3:00pm（每小時一班）； 回程12:20pm、2:20pm、4pm、5pm
消防及救護教育中心暨博物館
博物館以互動及多媒體資訊設施介紹香港消防處150年來嘅歷史、文化同發展。館內設有四層展示廳，除左消防處嘅介紹外，小朋友亦可以係度了解基本消防安全月一廿救護知識、遇到火警時嘅應變方法與及公眾急救技巧等。
入場費：費用全免，但需預約
地址：九龍將軍澳百勝角路11號
電話： 24118691
網址： https://es.hkfsd.gov.hk/museum/zh-hant/
開放時間：星期四及星期10:00am-12nn；2:30pm-4:30pm；星期三及公眾假期休館
離島區 親子好去處
迪欣湖
想呼吸新鮮嘅空氣又唔想攀山涉水，迪欣湖就係一個輕輕鬆鬆、動靜皆宜嘅好選擇。家長們可以同小朋友一齊踐腳踏船泛舟迪欣湖上，近距離欣賞動感噴泉同怡人湖景。坐完船可以沿湖邊漫步，以另一角度感受湖光山色，或者到旁邊嘅植物園區野餐，歡渡休閑週末時
入場費：迪欣湖及植物園免費開放，腳踏船及腳踏遊覽車則需額外收費
地址：香港新界大嶼山竹篙灣 迪欣湖活動中心
電話： 3550-3388
網址：https://www.hongkongdisneyland.com/zh-hk/destinations/inspiration-lake-recreation-centre/
開放時間：9:00am – 7:00pm ; 腳踏船和腳踏遊覽車出租服務時間則為10:00am – 5:00pm
Epicland
離島唔一定係戶外活動嘅，位於愉景灣嘅Epicland係一個全年開放嘅室內親子體驗遊樂場。佔地14,000平方尺嘅Epicland提供空中漫步、幾層樓高嘅滑梯、彈床等設施，刺激同新鮮程度係一般公共遊樂設施無法婫美。Epicland會為小朋友提供合適嘅裝備，並有工作人員在場監督及指導，家長會以放心俾小朋友挑戰膽量，盡情放電。
入場費：星期一至五HK$148（1-12歲小童及1名成人），成人HK$168/人（13歲或以上） / 星期六、日及公眾假期HK$188（1-12歲小童及1名成人），成人HK$200/人（13歲或以上）
地址：大嶼山愉景灣愉景北商場地下G31
電話： 2441 0098
網址：https://www.epiclandhk.com/
開放時間：星期一至日9:30am – 7:30pm