陳凱琳對幕後工作興趣倍增 自爆與鄭嘉穎初吻經歷 陳凱琳 Grace Chan 呢日身穿性感粉色連身裙出席活動,近日抵港0+3入境檢疫安排,不少港人計劃去旅行,陳凱琳唔急住聖誕出埠去旅行,享受同屋企人探索本地景點,陳凱琳指囝囝Rafael同Yannick非常鍾意搭交通工具四圍走。 講到佢負責監製及主持嘅清談節目反應不俗,陳凱琳感恩有呢個機會學習幕後工作,希望以後喺節目創作有更多發展,陳凱琳坦言:「目前想抽多啲時間陪小朋友,少啲拍劇,又可以工作就係做呢類型,我又好鍾意做創作者,又有好拍檔幫手,去到邊都諗到idea。」 呢日出席活動挑戰玩真心話遊戲,被問與老公鄭嘉穎初次咀嘴經歷,陳凱琳回想:「大家都知我同老公係拍劇認識,佢等我放工,我哋傾偈,好順其就發生一個small kiss,而家已經係老夫妻,結婚4年,回想當時開始原來係咁,可能第日都會同兩個小朋友講。」 #陳凱琳 #鄭嘉穎 #LoveMatterswithGrace