將近年尾，TVB又開始為《萬千星輝頒獎典禮2018》作準備，一眾藝人也暗自思慮自己有無可能上位成視帝。早前介紹過TVB新上位的花旦名單，今次同大家細數受力捧的男藝人。翻查近年及正開拍的電視劇，原來大部分第一男主角都由以下7位男藝人主演，逾半更結婚有埋仔女，看來TVB唔再行小生路線，主攻顧家暖男，今年台慶的視帝提名名單，唔知有無佢份呢？
登入 瀏覽本網站，可獲取積分換領專屬優惠
點擊查看專屬優惠
王浩信
▲《不懂撒嬌的女人》
王浩信出道十年，正式上位都係近3年嘅事，於《樓奴》同《EU超時任務》得到第一男主角角色，之後在《不懂撒嬌的女人》以Saving哥一角同唐詩詠有感情線，情深角色得到網民支持！
▲《踩過界》
去年他憑《踩過界》盲俠一角被網民大讚非常入戲，演技得到肯定，在去年的萬千星輝頒獎典禮上已奪視帝寶座！
▲《解決師》
未來兩套新劇《兄弟》及《解決師》，王浩信繼續坐穩男一。不過人紅自然是非多，2011年他跟陳自瑤結婚，婚後感情一直不錯，但上位後經常傳出緋聞女友如蔡思貝，兩人IG又甚少像以往分享全家幅和合照，感情受到考驗！
▲《兄弟》
蕭正楠
▲《巨輪》
蜜運中的蕭正楠，愛情、事業同樣得意！自2003年入行頭十年，最多只做過單元男主角或配角，直至2013年憑《巨輪》羅威信一角終嘗男一滋味，更因此受注目。
▲《翻生武林》（左）；《宮心計2深宮計》（右）
之後有機會再擔正拍《師奶MADAM》，同黃翠如日久生情而拍拖，從此平步青雲，每套有份演出的劇集都係坐穩男一之位，包括《超時空男臣》、《幕後玩家》、《翻生武林》、《宮心計2深宮計》。2013年起蕭正楠先後四次獲提名角逐視帝，惜與獎項無緣，唔知今年能否憑《宮心計2深宮計》再次上位呢？
黃浩然
▲
《平安谷之詭谷傳說》（左）；《師父·明白了》（右）
黃浩然於2005年與形象指導老婆結婚，一直是好好先生，有兩個仔仔，家庭幸福。加入TVB十年有多，黃浩然有唔少演出機會，《平安谷之詭谷傳說》、《師父·明白了》中任男一。2010年曾在萬千星輝頒獎典禮上得到飛躍進步男藝員。
▲
《多功能老婆》
不過黃浩然的敬業樂業的精神仍得到TVB欣賞和重視。最近開拍《多功能老婆》，黃浩然有得同楊千嬅拍住做男一、女一，機會難逢。
譚俊彥
▲
《特技人》（左）；《包青天再起風雲》（右）
為咗留港照顧一對仔女的顧家暖男譚俊彥，簽約TVB旋即被力捧做男主角，繼《天命》後，再在《特技人》同朱晨麗演情侶，之後還接爸爸狄龍棒拍《包青天再起風雲》，做包公一角，以及正拍攝《十八年後的殺人告白》，一連四套劇都係男主角，比其他親生仔更得到賞識！
譚俊彥之所以能上位，不完全因為狄龍兒子的身份，而係憑真本領。未加入TVB前，Shuan已有18年娛樂圈工作經驗，在內地及港台都有拍電視劇，亦有為數不少的電影演出，資歷豐富，絕對唔係新人，在TVB眼中，不用花時間栽培即有男一條件，捧佢上位毫無懸念。
洪永城
▲
《單戀雙城》
洪永城由Now過檔TVB，得綜藝科總監余詠珊賞識，主持節目《走過烽火大地》而被觀眾注意，之後得到首次拍劇機會，參演《單戀雙城》就有男二做，上位極快。
▲
《張保仔》
洪永城之後頂替生病的黃浩然接拍《張保仔》，正式登上一線小生地位，在2015年的萬千星輝頒獎典禮上更獲飛躍進步男藝員。之後做嘅角色都係男一或男二，依家拍緊《丫鬟大聯盟》，跟同樣上位中嘅黃心穎齊齊做主角！
張振朗
▲《踩過界》
好多藝人都怕被話似大人物，失去自己的性格。但張振朗就好豁出去，在李思捷主持的綜藝節目《Sunday扮嘢王》扮張智霖，以《衝上雲宵》Cool魔角色成功彈起，之後得高層關注，開始有份做男一，例如《愛·回家 (第二輯)》、《踩過界》等都為人熟識。在2015年及2017年的萬千星輝頒獎典禮上，他更多次獲提名飛躍進步男藝員、最佳男配角、最受歡迎電視拍擋及最受歡迎電視男角色。
▲《牛下女高音》花絮
在新劇《堅離地愛堅離地》、《牛下女高音》中，張振朗都係男主角之選，上位咁快難怪會傳出同視后胡定欣發展姊弟戀，傳媒話佢高攀一姐，實質佢極有可能成為未來幾年的視帝人選，不容睇少佢嘅潛力。
森美
▲《過街英雄》
DJ、主持出身的森美係多棲藝人，佢曾參加TVB多套劇集如《誇世代》、《法網狙擊》，角色偏搞笑。如今更有機會擔正做《過街英雄》男主角，係佢人生首次機會。相信收視好的話，大家會更常見到佢。
唔好以為森美無能力做男一，事實上佢1996年就有電影演出經驗，在《百分百感覺》、《同居蜜友》飾演閒角。2001年起夥拍小儀做舞台劇，幕前經驗多多，至於能否在大台跑出，今次《過街英雄》將會是他重要的成績表。