只有你估唔到，從來冇佢哋請唔到。內地嘅綜藝節目請嚟嘅近 嘉賓一個俾一個吸引，小鮮肉組合樂華七子NEXT主持嘅真人騷《少年可期》最近竟然請嚟張曼玉擔任嘉賓。喺節目中Maggie將自己私生活展示俾大家睇，原來女神貼地之餘，仲非常念舊，熱愛平凡人嘅煙火味。向嚟講野率直、無保留嘅Maggie更大方提起緋聞對象梁朝偉發大爆娛好圈「潛規則」，呢一輯嘅故事可想而知有幾吸引！
登入 瀏覽本網站，可獲取積分換領專屬優惠
點擊查看專屬優惠
港星有唔少生活貼地，性格率真嘅代表，張曼玉絕對係其中一個！早前曾被媒體爆出佢行女人街，買平價生活用品，又話佢搬出豪宅搬進鬧市，貫徹「大隱隱於市」嘅生活態度。一直遠離話題中心嘅張曼玉，最近因為參加內地一個綜藝節目《少年可期》重回大家眼前，最令人關注嘅當然係佢一直強調嘅「音樂人」身份，喺節目中佢近距離俾大家睇到自己私底下嘅生活狀態、最真一面，或許你都估唔到張曼玉係個咁嘅人。
不是巨星只是普通人
點解會上大陸拍綜藝？張曼玉嘅回答特別簡單「因為有人睇得起我，覺得我可以做人哋老師，所以我就嚟試下咯」。理由可以話係相當簡單。
節目中，Maggie更拉大隊到香港街市買餸，與街市姐姐打成一片，絕無明星架子。
Maggie帶隊買餸，睇得出佢係「老手」，街市姐姐仲即刻變晒粉絲添。
節目中有好多從未披露嘅張曼玉私生活嘅細節。Maggie一個唔怕老嘅女明星。舊年Maggie參加一個高級品牌活動嘅時候，曾經有人評論話佢太「乾瘦」以及「老」，呢種聲音對於佢嚟講唔算聽得少。的確喺眾多好似食咗防腐劑嘅女明星面前，Maggie令歲月嘅痕跡正常咁出現喺臉上反而對大家嚟講係一種「不正常」，但Maggie絲毫冇受其他人評頭論足所影響，上真人騷依舊做自己，著最舒服嘅衫，而且節目造型都唔需要假借他人之手。自己全部包辦嗮。
畢竟已經54歲，Maggie嘅外貌打扮同以前都相差很遠，不過保養得還算好。
節目中Maggie要做樂華七子嘅師傅，傳授佢哋自己喺圈中摸爬打滾咁多年嘅經驗，對住呢班平均年齡只有20歲嘅大男孩，Maggie童真一面展露無遺，毫無前輩架子。樂華七子都話本來對Maggie嘅印象係「嚴肅」、「高冷」，節目後已經完全改觀。
Maggie與弟子們相處得非常融洽。
節目中仲首次披露Maggie嘅愛車，已經跟隨咗佢足足30幾年，Maggie笑言呢部車從佢事業起步嘅時候就開始用，見證咗佢好多嘅高山低谷，所以都宜家自己依然唔想將佢報廢。
不是演員 是音樂人
Maggie曾經喺2014年以搖滾歌手身份參加草莓音樂節，但因為唱歌走音被網民嘲笑，事後Maggie甚至有上網搜過「如何在草莓音樂節上唱歌不走音」，喺節目中提起當年呢件事，佢依然不禁落淚，之後又強調自己真係好希望可以唱好歌，做一個好歌手。所以喺節目上，佢都係以音樂人嘅身份出現。
Maggie坦然承認草莓音樂節上受到好大打擊，但佢絕對唔會因此放棄音樂。
大方談緋聞對象梁朝偉
Maggie最受關注嘅，當然都係佢同梁朝偉之間嘅關係。好多人冇諗到佢係節目中，同徒弟交流嘅時候毫不在意咁就提到咗梁朝偉嘅名字。Maggie細數同自己合作過嘅男演員，佢始終覺得同梁朝偉係最合拍。原因係因為大家都好「敏感」。雖然兩人只係合作過兩次，但因為「花樣年華」太過經典，好多人都曾經忍唔住估佢哋之間嘅關係，原來對Maggie嚟講，梁朝偉係一個好熟，好熟嘅朋友。
Maggie話同梁朝偉第一次合作拍「新紮師兄」嘅時候，偉仔仲好嫌棄佢，叫佢「唔識拍戲就返屋企」，等到大家演技，心態都成熟咗，再拍「花樣年華」，已經係另一種感受。唔少花樣年華嘅fans睇到呢段話，都非常感慨…