黃莉莉
From Wikipedia, the free encyclopedia
黃莉莉(粵拼:wong4 lei6 lei6;1994年—[註 1])係香港政治人物,前學民思潮成員,因為2012年8月30號同另外兩位男成員一齊絕食反對推行德育及國民教育科而出名[2]。絕食第二日,黃莉莉血糖過低唔舒服,需要飲葡萄糖水。學民思潮因應3人身體虛弱,宣佈提早喺9月2日午夜12點正停咗絕食[3]。
除咗嗰次絕食行動之外,黃莉莉亦都參與過狙擊教育局局長吳克儉、行政長官梁振英嘅行動,喺最前面衝擊警方。
2014年5月,學民思潮成員林朗彥帶住包括黃莉莉在內嘅多位成員離開咗學民思潮,另組學生政治組織「廿一世紀少年」[4]。林朗彥之後做咗佢個男朋友[5]。