張繼聰 Louis Cheung 同 黃子華 - 子華本部 雖然喺新戲《#飯戲攻心》入面因為爭 Stephy 鄧麗欣 而搞到面左左，但其實私底下佢哋不知幾老友。呢日二佬阿聰仲同真・老婆 謝安琪 Kay Tse 、女朋友Stephy、細佬女友 Ivana Wong 王菀之 ，一齊去欣賞大佬子華神套舞台劇《#最後禮物》，完騷後入後台探班嗰陣，仲撞到都係嚟奉場嘅 汪明荃 添！

嚟得探班就當然有準備禮物啦，《飯戲攻心》嘅團隊除咗送上花籃、花束之外，仲好有心思咁搵咗個寫住「#最佳大佬」嘅香港特色小巴牌送畀子華神。雖然忙住做舞台劇，但向來細心嘅子華神依然記得晒屋企人嘅近況，佢先讚二佬阿聰同Stephy首合唱歌《#叉叉叉Love Song》，MV拍得非常之好，之後又這Ivana首宣傳歌 《#狠愛狠愛你》MV出色。

雖然套戲就仲未正式上映，但子華神就爆料，話據聞套戲正籌備緊舞台劇版，問到佢話哋會唔會成家原班人馬演出？阿聰搶先表示：「我哋要看大佬嘅意願，不過大佬完成今次舞台劇後，畀佢好好休息下先決定啦。」

#飯戲攻心 #黃子華 #張繼聰 #Stephy #鄧麗欣 #王菀之 #謝安琪 #最後禮物 #叉叉叉Love Song