【優質公共服務—入境處全港市民換領身份證計劃】 入境處喺2018年12月展開「全港市民換領身份證計劃」,有序地分階段為市民辦理換領新智能身份證手續。入境處同事從心出發,從宣傳、預約、前往換證、登記到領證,都捉緊每個細節,處處以民為本,竭力為市民提供貼心嘅服務。 入境處喺今次換證計劃中,更特別推出「長者及殘疾人士同行換證安排」,等佢哋換證時可以得到同行親友嘅照顧;而「到訪院舍換證服務」就為全港逾千間安老院同殘疾人士院舍嘅院友,提供上門辦證及派送新證嘅「一條龍」服務。呢啲安排都體現出入境處同事對有不同需要嘅市民嘅貼心關懷。 詳情:https://bit.ly/3i5UMzR #優質公共服務 #公務員優質服務獎勵計劃 #隊伍獎一般服務金獎 #入境處 #全港市民換領身份證計劃 #新智能身份證 #貼心服務惠社群