陳秀雯近況曝光　化身霸氣女總裁

藝人陳秀雯8、90年代紅透半邊天，多年嚟出演唔少經典劇集嘅佢，喺2019年為咗同廖啟智鬥戲而復出出演《教束》後，又再鮮少亮相幕前，繼續專心發展佢嘅香薰品牌生意。而近日，就有網友喺社交網晒出陳秀雯出席內地活動嘅合照，只見陳秀雯全程相當專注聽講解及四圍參觀外，就連會議席都喺坐C位，望住佢一面淡然自若，認真架勢。

相比2019年《教束》中嘅造型，依家嘅陳秀雯雖然仍然一頭利落短髮女強人Look，不過整體就圓潤咗唔少，襯上一套灰色正裝打扮嘅佢，簡直充滿女總裁Feel。