傳說中既牛郎根本就係痴漢黎，唔係咁岩比佢撞正 班仙女河邊戲水，咁岩又比佢收埋左織女件衫， 咁岩織女無左件衫升唔返上天，焗住要嫁比牛郎仲要 過ᴅ窮ʟ生活，你估真係有咁夢幻既愛情故事咩？不過 唔知係「火鍋郎」又有無呢隻歌仔唱？十下十下過程中， 又會唔會有個仙女出現呢？👇 - 📌鍋 底 - ▪ 招牌花膠·響螺雞金鍋 - $198 ...▫ 鍋底方面我揀左呢個「招牌花膠·響螺雞金鍋」， ꜱᴛᴀꜰꜰ強烈推薦我地先飲後烚，意思係岩岩滾起 仲係金黃色狀態下，飲到佢果種最鮮、最清既 質感，而入口我覺得比我想像中香濃，帶少少 雞味；加上食到一舊舊花膠，膠質夠重，爽口 滑身，配上黎緊既刺身，非常到位。 - 📌刺 身 - ▪ 原條日本空運·時令鮮魚 - $388 ▫ 輪到今晚其中一個重頭戲「原條日本·空運時令 鮮魚」，今日既飛機貨赤伊佐木好有驚喜， 就咁睇賣相就知相當新鮮，ꜱᴛᴀꜰꜰ教落魚肉有兩種 食法，第一種食連埋自家製醋汁一齊食，但切忌 唔好落ᴡᴀꜱᴀʙɪ，咁樣會破壞左本身魚肉既鮮味， 反而酸汁做到吊出鮮味既作用，呢點我幾認同； 而另一食法係將魚肉擺鍋底烚3-5秒，咁樣入口 鮮甜得黎，肉質又夠結實，幾特別；而最後魚骨 可以放埋落鍋底裡面，將鮮味提升到最高點！ - 📌清 酒 - ▪ 加茂錦荷札酒月白·純米大吟釀 - $736 ▫ 由待酒師親自介紹呢隻「加茂錦荷札酒月白·純米 大吟釀」，而家只要你嗌原條刺身，呢枝ꜱᴀᴋᴇ就會 有半價優惠。入口淡雅清新，完全唔覺太重身， 女仕們一定會愛上。 - 📌和 牛 - ▪ 𝐀 𝟓 熊 本 黑 毛 和 牛 宴 - ▫ 不得不推介佢地既重點黑毛和牛，一次過食勻八個 部位，當中包括西冷、肉眼、牛小排、沙巴當、三筋肉、 上肩胛肉、外腿肉。每一個部位都有講究既烚煮秒數， 當中最鍾意佢果個封門柳位置，食起上黎最有咬口， 同埋肉眼極富油香，而上肩胛肉筋肉分明，油脂分佈 均勻，肉味濃郁，配搭今晚呢款清酒就最夾啦。更多

餐廳：火鍋郎 (尖沙咀) 地址：尖沙咀堪富利士道6-6A號爵寓1樓 今次比尖沙咀呢間9月3號新開嘅日式高級火鍋店——火鍋郎 @hinabero.hk 吸引咗我過去，除咗因為新開張做緊全單88折優惠之外，佢哋嘅A5和牛仲喺日本牧場直營運港🇯🇵，提供最優質嘅和牛🐂，而最平一碟和牛都喺$48咋😍 講到賣點當然唔少得佢哋嘅和...牛🐮，主要產地嚟自日本岩手縣同熊本縣，餐廳同當地日本A5級和牛牧場直接合作購買和牛，有好嘅品質保證，價格仲因為唔需要經銷好多層而較平🤑；另外黑松露野生竹笙松茸菌鍋同招牌金銀花膠響螺雞鍋都喺佢哋嘅特色；唔少得日本新鮮空運到港嘅時令刺身魚🐟，食完刺身之後師傅仲會幫客人拎啲魚骨去熬湯，非常值得一試👍 ✝️花膠雞響螺鍋 $178 先叫咗個店員推介嘅湯底，招牌花膠雞響螺金鍋即喺加多咗南瓜蓉🎃，我就叫咗個無南瓜蓉嘅，而最吸引人之處喺呢個湯底包咗成碟雞件🐓，都幾抵食，花膠嘅份量都唔少，起碼有7-8片，湯底鮮甜濃郁無味精嘅死鹹味，直接當湯嚟飲都得😋 ✝️A5熊本黑毛和牛封門柳 $88 經日本食肉格付協會評選嘅熊本「和王」牛🏆，肉質必須達到A5或A4以上評級，加上油花標準等級達到六級以上，先拎得到呢個稱號🎖。封門柳唔算得入口即溶，不過牛肉味相當濃郁，幾乎係全隻牛最香濃嘅部位，脂肪唔多，帶有少少筋部，幾有咬口 ✝️A5熊本黑毛和牛肩胛肉 $58 做緊推廣價緊喺唔可以錯過，牛肩胛相對較紮實，有細緻嘅油花同肌肉紋理，清晰可見，入口牛肉味無封門柳咁濃，但都唔差，入口嫩滑彈牙，有啲似平時食嘅瘦版肥牛🤤 ✝️A5日本黑毛岩手和牛他他燒配柚子酢汁 $128 岩手縣水質極好，屬穀飼黑毛和牛，飼料仲加入威士忌粕🥃，令和牛嘅油脂香更濃郁，年產量只有1000隻。輕輕燒過嘅和牛他他色香味俱全🔥，加上刺身豉油，牛肉鮮香味更加突出 ✝️日本佐賀名水豚梅花肉 $68 名水豚嘅高山牧場出名零污染，喺咁嘅環境飼養可以養出優質豚肉，所以有「和牛級數」豚肉嘅講法🤩，豚梅花肉脂肪比較少，肉質鬆化，入口即溶，切成薄片打邊爐最適合不過🐷   另外仲叫咗有好多蟹籽嘅手打蟹籽墨魚滑($48)、魚皮餃 ($48)、炸響鈴($38)、蔬菜拼盤🥬($48)同稻庭烏冬($15)；佢哋亦有小食提供，我就嗌咗個七味炸雞軟骨 ($38)，等緊啲打邊爐材料熟嗰陣食就啱晒 飲品叫咗杯巨峰梳打特飲($38)同熱情果梳打特飲($38)，可以揀甜度同冰量🧊，當中仲加咗爽甜啫喱，打邊爐消暑解渴一流💦 呢餐食咗咁多好嘢，叫咗咁多靚和牛，兩個人食都唔洗$1000，而佢哋嘅88折優惠去到9月30號咋(以上食物價錢未計折扣)😍，把握唔好錯過喇更多