理財個案|月入2萬多 炒窩輪蝕15萬問翻身機會 專家︰一步步贏回100萬
發布時間: 2024/04/12 18:00
最後更新: 2024/04/15 09:28
投資路上有誰沒有碰過壁?今次個案的主角炒窩輪蝕了15萬元,現金只餘2萬元,可幸是年紀尚輕,有翻身機會。看看龔成是如何回應!
讀者︰
阿sir你好 ,我早排衰玩窩輪蝕左15萬 ,而家現金只剩$2萬,我月入26000。
想跟你方法,乖乖月供5000蚊0006,想問下有咩投資建議俾到我!感激不盡!
我今年25歲,仲有機會翻身嗎?!
個案重點︰
- 25歲
- 炒輪輸$15萬,現只有$2萬現金
- 月入$26000
重點目標︰
- 月供股票策略
- 如何翻身
龔成︰
你好年輕,當然可以翻到身!只要你一步步進行理財,不止能追翻$15萬,長遠要累積過百萬都是很合理的。
我自己在18歲-23歲的5年,都試過幾次接近輸身家的經驗,雖然數目不算大,但都好痛,當時以為自己玩完,但而家睇翻,我好多謝當時有寶貴的經歷。
我當時都有玩過窩輪,炒過孖展,投機短炒,就係因為我輸過,先知道,這些方法風險真的好高,要賺錢真的好難!之後我就不斷學習,以長線投資為核心,財富先可以穩步增值。如果你分析全球真正賺錢的投資者、經金經理,佢地都無人短炒,都是長線投資的,巴菲特都是反對短炒的。
你這刻從基本步開始,一步步累積財富,你一定可以累積到比之前更多的錢,最重要是不要再投機,平穩增值就可以。
你月入$26000,不如試下加大儲蓄金額,逼自己每月儲$10000-$13000,只要你平穩投資,基本上5年都可累積到$100萬。
你用月供股票適合的,如果你每月能儲$10000-$13000,你可以月供$6000-$8000,餘下留現金等機會。
選股方面,電能 (0006) 是收息股,以你的年齡,未必太適合,因為你這刻是財富增長的時期,加上年輕可以承受較大風險,因此,你應該考慮平穩增長股+潛力股,作為累積財富的核心。你可以利用月供方法去長期儲貨,選有質素同時又有增長力的股票。
至於現有資金$2萬,暫時不要動用,因為你之前太心急賺錢,你要學識耐性。上述建議你將部分每月資金月供,你每月仍要儲一些現金,這些現金就是等機會,當大市出現恐慌期,股價處便宜區,就是難得的入貨位,你就可以動用之前儲落的現金,加大力度入貨。
最後,你要強化再強化自己的投資知識,睇多d書,出去上下堂,加油!
【本文獲龔成授權轉載】
=====
理財真實個案分析,立即免費下載《香港經濟日報》App
撰文 : 龔成
欄名 : 80後百萬富翁