狄龍將專注力放在孫仔身上 譚俊彥勁開心：我甩咗難啦

譚俊彥（Shaun ）今天（13/12）出席「最強人氣品牌大獎2022」頒獎典禮，他獲得《最強人氣廣告男星》！入行多年的譚俊彥憑着上屆勇奪「視帝」寶座，工作開始接踵而來！同爸爸狄龍關係亦修補成功。而臨近聖誕節，譚俊彥表示會一家人一起到主題樂園玩，而冬至則會同爸爸狄龍一起吃飯做冬，更會化身大廚親自烹飪料理給家人品嚐！而狄龍一向以嚴父著稱，問到爸爸有否稱讚他的廚藝？Shaun 表示：「佢都鍾意食，但我覺得佢嘅心思擺咗喺啲孫上，多過食野個到（你會唔會想爸爸讚吓你？）又冇特別去咁諗喎，因為講真啦而家有小朋友我甩咗難㗎啦，佢啲專注會擺喺小朋友到，我而家作為一家之主，冇所謂啦。」

譚俊彥亦笑稱已同公司請定假，最重要的那幾天會做司機帶小朋友去玩：「最緊要嗰幾日都會陪住佢哋，而家小朋友好忙，佢地有Christmas party同表演，咁我就只可以做司機去車佢地去綵排（帶小朋友出去玩會唔會好攰？）嗰啲預咗㗎啦，同埋佢哋大個啲，再細個嗰陣時成日都要抱住就辛苦啲，但而家去主題樂園，佢地識得鍾意揀自己鍾意玩啲咩。」