關注關注組-畢業篇丨被伍韻婷喺心口簽名面紅施焯日解釋純為節目效果

《關注關注組》今晚（16號）播出最後一集，各位主持都著上學生服亮相，佢哋除咗分享畢業照之外，蔡景行嘅幼稚園相外貌同而家冇乜太大改變、林俊其瘦咗足足一個碼、而鄧梓峰嘅中學相最年代久遠。

Juliana、Carmaney、鄧梓峰、區竣陞及林俊其。Arthur、行仔專登去學整「散水餅」。

黃嘉雯話每次都會去一次旅行慶祝畢業，中學時同朋友初次到日本自由行，大學畢業後就到羅馬尼亞當義工體驗生活：「嗰次仲專登帶埋畢業袍，去到意大利大教堂前影相，人哋以為我喺意大利畢業添。」佢又讚鄧梓峰玩得︰「原先以為十郎係前輩，好難同我哋癲，點知佢真係好似同學仔咁，好玩得埋。」伍韻婷話今趟最大收穫係學曉好多香港文化同風俗︰「最唔捨得係同一班J2ers 、十郎係節目上奉旨大魚大肉。」

鄧梓峰獲贈印有「十郎我愛你」的散水餅。

節目中，各位主持將身上白恤衫變成紀念冊，喺上面寫上祝福句，抵死嘅係當女主持分別喺行仔、Arthur同林俊其胸前留言時，未知係咪觸碰到敏感部位，三人都露出尷尬微笑。Juliana喺施焯日心口簽名時，仲被Carmaney當場踢爆「佢面紅呀」。
Arthur事後解釋只係節目效果，今次擔任主持的確獲益良多，佢話︰「最唔捨得嘅係無節目拍喇、冇工開。講真好開心識到一班好朋友。」行仔透露喺94集節目中，印象最深係cosplay Lolita同做空中瑜伽。

鄧梓峰中學畢業照。Carmaney 專登帶畢業袍到意大利拍照。Juliana 高中畢業照。林俊其中學畢業時留影。區竣陞大學畢業照。