【明報專訊】經民聯立法會議員林健鋒（Jeffrey）本周六（23號）就70大壽，黨友噚日提早同佢食飯慶生。Jeffrey話疫情下大家可以坐埋食餐飯、開心相聚已非常難得，又話生日願望係身體健康及中港兩地盡快通關，生活可以回到疫情前。Jeffrey生日心情好，但提到通關一事就有少少激氣，話唔明點解搞「健康碼」都要搞咁耐。佢早排提出先推試行安排，小量限額畀商界北上免隔離，等佢哋可以處理業務，及恩恤市民北上奔喪，希望內地政府可以考慮。圖為梁君彥兒子梁宏正（左起）、石禮謙、林健鋒、盧偉國及吳永嘉噚日一齊出席生日飯。