肥仔爆隊友鹹濕 交換AV情報

有份客串《12怪盜》與「徒弟」姜濤鬥戲的男團ERROR成員梁業（肥仔），近日推出新歌《Homework》，歌詞以「交功課」比喻男女間的親密行為，他說：「首歌係講一個男仔以為好滿足個女仔，個女仔裝作自己好滿足，而去滿足男方嘅滿足，個感覺好似互相交緊功課嘅狀態。」他指隊友認為他太乖巧，故想將他調教成「曳Boy」，笑說：「我曳得嚟其實都幾乖，但都想曳囉！每個人都想曳吓，不過都係得個講字。」問到最近可有向女友「交功課」？他避而不答：「做人有交帶就得，佢知道你做緊乜時，你已經係交緊功課。」又自爆隊友之間經常講鹹濕嘢：「有時會討論吓近排有邊套（AV）好睇，唔會好深入交換。（邊個最鹹濕？）一定係Dee哥，我哋公認咗，佢個樣夠猥瑣！」