半自助早餐食物款式多又好食，飲品無限添加。有bb high chair，員工服務態度好，座位舒適。食得開心！有電子版報紙，酒店同餐廳都好環保

基於上次十分滿意三日兩夜的Staycations體驗後 ，今天大除夕帶了長輩一起來個午餐，午餐是套餐形式，有頭盤、主菜四個選擇，甜品兩個選擇，另外還有咖啡或茶，而且還有中式西式的選擇，頭盤我們選了鮑魚燒賣，瑤柱海鮮羹，主菜我們選了神級叉燒飯，海鮮炒烏冬，烤三文魚，另外甜品有法式栗子蛋糕，椰汁桂花糕。頭盤前有兩款新鮮熱辣的麵包，還...有牛油。神級叉燒飯是西班牙黑毛豬配日本米還有菜和煮蛋，看見家人吃得津津有味，眼睛都發光😂😂，我選的三文魚烤得剛好，醬汁有果仁，非常好味，湯羮很足料，鮑魚燒賣的鮑魚也不太細隻，彈牙可口，整體大家都非常讃！餐廳地方寬敞，裝修華麗，侍應服務水準非常窩心有禮！推薦大家！👍👍👍更多

食物中上但名過於實 ✨黑松露栗子濃湯 黑松露唔香唔突出 栗子味香濃 湯稀穠度適中 味道唔錯 ✨神級叉燒飯 叉燒 偏瘦 肉質軟腍 中上水平 神級真係稱不上 脆邊煎蛋 豉油帶啲蔥香 飯 用上日本米 軟硬適中 有米香 整體都算唔錯 ✨鮮茄焗西班牙黑豚豬扒飯 煎蛋賣相唔算好靚仔 同埋叉燒飯隻蛋相比有啲失色 茄汁 番茄味唔算好濃 ...但調味略嫌過濃 偏甜 偏稠身 豬扒 吉列做法 外層鬆脆 豬扒唔算厚身 肉質結實 口感軟腍 炒飯 夠乾身 飯粒分明 整體只屬普通 ✨芒果新地 有三大球芒果雪葩 芒果雪葩 質感綿密 密度高 冰感唔重 芒果味濃 味道唔係好假啲種芒果味 忌廉 帶微微雲呢拿香 質感偏厚 但食落有啲怪味 杏仁脆片 香甜 脆口 另配上芒果汁 香濃 稠身 ✨法式栗子櫻桃酒慕斯蛋糕 栗子粒 栗子蓉 香甜 櫻桃酒慕斯香滑 帶少少櫻桃酒香 餅底鬆脆 整體唔算好甜 ✨Latte 賣相同上一次一樣差 咖啡味唔算好香 帶甘 奶泡夠厚身 普普通通 總結：食物中上 冇乜驚喜 環境可以 卡位私隱度幾高 但座椅太腍冇彈性 亦同張枱有啲距離 感覺有啲迫 唔算坐得好舒服 服務唔錯 但五星酒店服務就稱不上 價錢合理 但以食物水平會有更好選擇更多

喺Rosewood住咗一晚，包早餐。 我哋9:30左右落到去，喺餐廳嘅門口排咗一陣隊，幾分鐘，就被安排了入去。題外話，見到有兩位住客着咗拖鞋落去，比一位女接待員溫柔地告訴他們需要玩相麥頭鞋，才可以符合餐廳的衣着規定。所以各位如果下次瞓醒落去食早餐，記住唔好着拖鞋呀！呵呵 經過餐廳嘅路係一間買朱古力嘅位置，設計十分之富麗堂皇，黑...白嘅格仔磚色調十分之鮮明，而且周圍都有淡淡的貴族從聖誕樹香味。入到去, 餐廳嘅面積真係好大。侍應安排我哋坐最入嘅一個位置二人枱。侍應帶我哋行到最入嘅一個位置二人枱。 設計帶點懷舊味道的西式餐廳。 佢係半自助餐嘅形式。有一個早餐Menu，俾你揀主菜，小食，再配飲品。然後出面就可以有自助食物俾你任拎。主菜我揀咗豉油王炒麵，再加蘿蔔糕。朋友就揀咗Egg Benedict配有一條黑椒腸、薯角、同埋幾粒蕃茄。雞蛋配有一條黑椒腸、薯哥、同埋幾粒蕃茄。 Egg Benedict個外型幾討好，顏色繽紛。雞蛋都做到流心嘅效果，而且配合一層ham再加包食，鹹鹹地，口感好, 味道好！ 豉油王炒麵夠新鮮，因為佢都係比較熱嘅，芽菜炒得夠爽, 但係整體就油咗少少！ 個蘿蔔糕味道就好嘅，但係就幾凍下，食嗰陣時，佢啲邊邊有啲硬。 跟住出去攞嘢食，主要非熱食為主，例如有沙律, 三文魚沙律，有好多款嘅麵包，水果都有幾款; 熱食就有少量，有五款嘅蒸點，當中有燒賣蝦餃。 我攞咗一粒燒賣同一個蝦餃，呢兩個幾難食下，好鬆散，燒賣同蝦餃都有少少散開嘅感覺。所以都冇再試其他3樣點心; 水果唔錯，食咗菠蘿同埋蜜瓜，都幾甜，新鮮。沙律菜都有試過少少，都夠新鮮。 整體味道平均黎講算OK，但係覺得以五星級酒店來講，個水準其實可以再高啲。更多

準時入座，侍應服務有禮，海鮮拼盤中生蠔同帝王蟹不錯，小碟任食方面，每樣冷熱食物落單後都好快送到，而且味道有水準，尤其係豉油雞同番茄布拉塔芝士沙律。主菜要了叉燒飯以及牛扒，前者基本做到要求，雞蛋有燶邊，值得一讚，但蛋黃過熟，無流心效果，至於牛扒要了7成熟，但切開後過於熟，最後甜品白芝士柚子同朱古力撻都係高水準之作，不過用餐時間只得...2小時，比較倉猝以及價錢不包括非酒精飲品，希望可以調節，整體而言，係物有所值！更多

午餐的首選，坐得舒適，食物質素極高，超5星級的服務和環境。 叫了set lunch，有三道菜加餐前包及飲品 性價比極高。 不要忽略餐前包，出品絕不馬虎，牛油又是上品。 忘了問服務員的名字，一位男和一位女的都，專業親切，問一問甜品資料都能清楚解答。 今次吃了湯，牛面肉和米布甸，牛面肉依然出色，米布甸第一次吃，好吃的，但更懷念麫包布...甸。 整體來說，很好。更多

對上一次在《瑰麗酒店》吃飯應該回想是中餐廳， 食物感覺中中平平, 環境卻係略勝，今次再訪此酒店或多或少基於於車程不是太長,在近排嚴峻的環境下想找一些較少人的地方而選擇,。。。 位置其實是下午茶與及售餅店的對出，未入座已被外邊的餅櫃所吸引，沒有訂咗座但由於近排所有餐廳與食肆都不甚為爆場. 所以絕對是大搖大擺的直入， 量度體溫是基本...現在所有餐廳的主要入座第一門檻, 廳面設有四人卡位與大台， 我們選擇了後者而侍應員亦沒有拒絕,服務生亦因應現時狀態告訴酒店只推出《一張》當日之餐牌選擇，我們在云云選擇中選取以下食物~ Wine braised beef cheek HK$290.這一款是當日職員推介其中一項,感覺上牛肉質地纖維較多脂肪較少,但幸好廚師烹飪過程中令纖維完全軟稔，我想應該是用慢煮製作,又或者經過一定時間的炆燉而成,上枱的一刻覺得份量目測較少， 但吃在口中一啖又一啖之下我覺得開始膩，自己就用來配上半份餐包同吃,很飽肚~ latte HK$80.其實整間餐廳感覺上都是以中西共融手法製作食品,理應叫上餐廳內的中式茶品試試， 無奈自己鍾情咖啡多於中茶， 用上的杯子平實不花華，latte本應比例便是奶多於咖啡，味道亦持平, 一整杯滿滿之下還送贈一片蝴蝶酥很是慷慨啊~ 另一半要來金牌叉燒飯Hk$180.這個我就悄悄地偷試了一口，肉質偏瘦但無損它入口異常稔身入味，脆邊蛋在高温下仍保存著它流心質感，米飯屬於軟糯之作， 整體上雖然叫價貴但總算值得一試~ Fromage blanc & yuzu HK$90. (堂食價錢),甜品我選取在外的蛋糕店歸來其中一款, 堂食俾外賣貴大概三份一價錢，抵食與否就真是見仁見智, 但自問喜歡吃就不要吝嗇當前, 所以隨著眼緣挑選這一款, 點點的柚子香加上白朱古力其實很夾，但由於白朱古力會自覺越吃越感到膩，建議還是二人分享會感覺好點~ 由於當日是慶週年，在自己荷包容許的情況下我們選擇酒店,就是希望坐得好一點吃得好一點 ，此食評於3月中旬享用，飯網審批嚴謹所以應會較遲才登出, 雖然未受到分台隔離的影響,但自問去酒店的人數已少之又少, 『食物出品是可以, 但個人覺得如果酒店服務員可以主動一點收點碟/斟水，理應會在服務上加以比分｡』更多