直播防暴行動 警察視角睇真啲
有心水清網民發現,由大年初一開始,警方幾乎在每次的防暴行動期間,都有做網上直播。有警官話,佢哋咁做,係想畀市民多一個資訊嘅選擇,讓市民可以透過警察嘅視角,對事件睇得更加清楚。
該警官仲話,一直都發現坊間好多新成立嘅網媒,都係選擇性只拍攝警察,唔會影黑衣人犯法行為、假記者擋去路嘅更加唔會播,甚至有啲人只會影警察制服暴徒時使用武力嗰一刻,呢類直播根本就係玩針對,無可能反映到現場實際情況。
由年初一晚喺旺角驅散堵路示威者開始,到日前示威者在美孚反對政府徵用「翠雅山房」做防疫隔離營,佢哋一共做咗四次直播。據聞初步反應唔錯,尤其係一班前線防暴人員,知道有自己人在直播,執勤時都寧舍醒神。
日前警方在美孚的防暴行動中,直播防暴警制服多名涉堵路及破壞公物示威者的情況。