大元邨33年茶餐廳將結業　屋邨老店又少一間

「聚散有時，屋邨老店又少1間！」1間屹立大埔大元邨33年的茶餐廳，將於周日結業。該茶餐廳於冬菇亭「做起」，至10多年前搬到商場舖位，見證屋邨的歷史人情。因未能續約，老店被迫結業，老闆一家與街坊不捨多年情誼，縱使餐廳前路未明，亦希望會有重逢一天。

臨別依依，愛爾蘭茶餐廳門口擺放1幅留言板，寫滿熟客心意，旁邊更有老闆與老闆娘夫婦的漫畫人像。夫婦於82年就在大元邨的冬菇亭開業，到2000年，茶餐廳及其他冬菇亭檔戶，獲安排搬到該美食廣場，也是當中少數經營至今的餐廳。半年前，茶餐廳接獲領匯通知，美食廣場將翻新，食肆舖位亦要重新招標。老闆無力續約，決定結業。

年逾7旬的老闆娘呂太表示，兩夫婦靠茶餐廳養活四名仔女，至今與兩名兒子都在餐廳工作。茶餐廳是他們一點一滴累積的心血，也是與街坊的共同回憶。說起要關門，呂太氣憤又傷心，「我惟有話總會有重逢嘅一日，其實我都唔知之後會點。」

移居美國的孻女Jessie近日返港，帶來丈夫製作的留言板，讓客人寫下心意。Jessie謂，餐廳1枱1櫈都有其故事，「水吧個雪櫃由冬菇亭搬上嚟，我爸爸同我逐樣講，呢樣係邊年買，嗰樣又係邊個送嚟，但依家話走就要走，都留唔到。」

不少熟客想不到茶餐廳快要結業，趕來幫襯，其中范女士說:「我同佢啲仔女，睇住大家長大，餐廳人情同回憶，係最唔捨得。」領匯發言人表示，該商戶早前要求提前終止租約，獲得接納。

網民有話說

Bryan Yip：如無佢大大份的午餐，都無我今日咁肥大，感激愛爾蘭！

Judy Chan：佢地係咪會搵其他地方開返？

Adrain Wong：又一間小店結業

Leo Cheung：愈來愈少呢一類有人情味嘅良心食肆，Respect！