《作家的謊言:筆忠誘罪》入面有個小朋友俾松岡李那推住打韆鞦嚇到爆喊,呢幕場面相信對好多睇過嘅觀眾都有印象,呢位小朋友就係年僅5歲嘅陳浩仁(Kayden)。Kayden今次拍戲,事源係佢Daddy識得一位做電影幕後嘅朋友,呢位朋友當時幫《作家》搵緊童星人選,結果喺對方介紹下,Kayden去咗試鏡,點知試鏡時要扮喊,傻氣嘅Kayden即刻發揮佢嘅強項-喊。最後…就係咁,試鏡成功。
Kayden係飾演作家「徐哲」張建聲同太太何珮瑜嘅囝囝「徐柏明」,「明仔」係其中一個令劇情逆轉嘅關鍵人物,佢眼見父母出現問題、住樓上嘅「狐狸精」松岡李那又不時做啲小動作影響「明仔」,搞到「徐哲」夫婦情緒大崩潰。
Kayden好有演出天份,仲好聰明好乖,小朋友已經入圍第三屆《Movie6全民票選電影大獎》「最佳新演員」最後五強。有份睇就有份投,請支持《作家的謊言:筆忠誘罪》小演員陳浩仁。