畢業之後，我選擇咗教豎琴同做freelance 演員。雖然工作時間唔穩定，收入都唔穩定，但係呢兩樣都係我好有興趣嘅工作！可以教到學生喜歡音樂、可以演到感動人心嘅作品，都係我既嘅夢想。有人話，麵包同夢想好難並存，要追求自己嘅興趣，就有機會要放棄一部分嘅收入，究竟點樣先可以同時兼顧？

我覺得每個人都一定要有適當嘅理財同投資規劃，諗辦法增加自己嘅收入，再一步步累積財富，可以照顧到自己之餘，同時亦係對屋企嘅一份承擔。好似我咁成日都要去casting，淨係搭車同dress up都係支出，不過真係可能見10次都無1次會成功揀中您！所以我每個月都會努力教琴，再將一部分嘅收入儲起，以備不時之需。

講開儲錢，好多收入唔高或者唔係咁穩定嘅朋友，都會覺得好似好難儲，因為日常生活當中都會有好多誘惑，我真係明！想有效率啲，可以試吓透過Citi Plus幫自己訂立相關嘅儲蓄目標，之後佢仲會guide住我點，慢慢建立返儲錢嘅習慣；當儲到咁上下，就可以開始搵合適自己嘅投資產品，例如股票或者基金，幫自己增加被動收入。有一定嘅資產backup，積少成多，追夢唔再得個諗字！