盛傳為杜江誕二女　霍思燕又拖神秘小女孩出巡

內地女星霍思燕同杜江育有一子「嗯哼」已經係公開嘅事，不過外界一直盛傳霍思燕多年前為杜江誕二女，「一家四口」又多次被拍得集體出巡，加上阿仔曾多口自爆有個妹妹，惟二人從未承認生二胎一事。繼4月被網友拍低四個人現身海南三亞度假後，近日又有網友偶遇杜江霍思燕一家外出。

當日杜江身穿休閒服飾，一時坐喺路邊食煙休息，一時又同仔仔嗯哼玩耍，網友仲影埋霍思燕身穿外套牛仔褲，拖實一位神秘小女孩路邊散步，不過今次亦同早前嘅偷拍一樣，未有見到小女孩正面，因此有網友大膽猜測小女孩有機會係代孕，所以唔可以公開「認親」。