游嘉欣唔介意被網民批塊面肥：比起拍《大夫》嗰陣已冇咁脹
撰文：吳子生
出版：更新：
游嘉欣今日（30/10）現身銅鑼灣出席明珠台《香港壁球公開賽》記者會。對於有份演出的無綫熱播劇集《羅密歐與祝英台》，上周首播，最高收視19.2點，獲124萬觀眾支持。游嘉欣受訪時表示：「其實平時嘅我，就真係冇乜點去留意收視嘅，純粹都係睇返自己嘅表現，睇吓自己有咩可以改善吓咁。都有人問我畀自己幾多分，我都係答6.5分。（網民話你塊面肥嘟嘟！）其實我就覺得比《大夫》嘅時候，塊面已經冇咁脹，不過我就覺得減肥呢樣嘢係女人嘅終身事業嚟，相信永遠都有進步空間嘅。（網民咁講會唔會唔開心？）睇吓佢評價啲咩，如果佢評價嘅嘢我認同嘅話，當然我就會改善啦，就唔會有咩唔開心，明白每個人都有佢嘅意見嘅，如果唔想聽嘅，就唔好去睇。」
游嘉欣笑指減肥是女人的終身事業。（葉志明攝）
游嘉欣與謝嘉怡、謝東閔、涂毓麟一同出席明珠台《香港壁球公開賽》記者會（葉志明攝）