任何人，只要窮得只剩下錢，都可以對另一半撂下這樣的話，當中不一定有愛，就算是富商土豪短租明星模特兒，包養外遊，一樣都可以話呢個trip任你買任你食，反正返到房都係任佢做，又有何感動可言？

大概我真是太守舊太老土了，我常以為最動人的情話，就算不跟時間或者守候有關係，至少都跟生命有關，譬如最老土的用我的命來換你的命，又或者我到死都不會讓你受到半點傷害，就算陳俗到《古惑仔》浩南對細細粒的愛，一首《甘心替代你》，都至少教我們動容，心疼自己不能代替對方死去，難道只好淌淚心痛告別你，無法讓我此際替代你，但「東京之旅一早比一世遙遠」？Sorry，我真的看不到有任何浪漫感動可言……

所謂感動，當中應有著不可替代的獨特性，因為你是你，所以我才是我，但「你鍾意就買啦」，卻是任何人都可以，誰有錢誰都可以這樣說，你也一樣感動；付得起錢那一個，也許對著其他人也一樣可以講出相同對白，條女夠靚夠正，計過度過有賺，反正帶你只係去名古屋，唔係東京，更加唔係歐洲，得果幾日，有數得計，買得幾貴？