繼 #MIRROR 、 #COLLAR 、《聲夢》#炎明熹（Gigi）同 #姚焯菲 （Chantel）等新星彈起後，香港再次出現追星文化。講起 #追星，買偶像周邊同扭YES! Card就一定走唔甩喇。嚟緊6月16日至7月3日， #荃灣 #如心廣場 將會設有《YES! CARD》期間限定店，屆時會有16部扭卡機，其中兩部仲要係MIRROR主題𠻹。另外，6月26日同7月2日亦會舉行音樂祭，到時姚焯菲（Chantel）、洪嘉豪、雲浩影（Cloud）等一共9個音樂單位會親身嚟到唱歌畀大家聽㗎，粉絲唔好錯過喇。