Jer前晚喺IG Story上載自己敷面膜嘅相片,留言「long day」,原來係要扮靚靚出席家姐嘅大喜日子。新娘子Kinki亦有分享喜悅,除大曬同老公嘅唯美婚照,而婚禮喺一個戶外地方舉行,之後喺搭建嘅帳篷內有live band助慶,身為歌手嘅細佬Jer,當然有開金口獻唱,先後唱咗陳奕迅嘅《我們萬歲》同側田嘅《感動》,雖然要拎住電話睇歌詞,但作為MIRROR唱歌擔當,一開聲已經令全場尖叫,一對新人聽得如癡如醉,賓客更舉起手機拍攝,high到爆,難怪友人都留言:「有弟真好
」。之後,Jer又跟家姐、姐夫一齊合唱《唯獨你是不可取替》,姐夫表現怕醜唱到好細聲,要Jer全程領唱,十分搞笑。