Makabuluhan ang pagdiriwang ni Cesar Montano ng kanyang 59th birthday noong Linggo, August 1, dahil sa kanyang benefit online show para sa mga kababayan nating biktima ng mga pagbaha.
At isa sa highlights ng birthday party ng aktor ay ang paglahok ng kanyang domestic partner na si Maria Socorro "Kath" Angeles.
Ito ang kauna-unahang pagkakataong nakita ng mga nanood ng online show na karga-karga ng award-winning actor ang batang babae na anak nila ni Kath.
May sweet moment din ang couple dahil magiliw na hinalikan ni Cesar sa pisngi si Kath nang kantahan siya ng birthday song ng kanyang mga bisita.
Ikinatuwa ito ng Facebook followers ni Cesar dahil nasaksihan nila ang maligayang pagsasama ng aktor at ng non-showbiz partner nitong si Kath.
BIRTHDAY BASH FOR A CAUSE
Ang online jamming for a cause ni Cesar ay may pamagat na "Umawit at Tumulong with Kuya Buboy," na nagsimula ng alas-kuwatro ng hapon at tumagal ng halos limang oras.
Nag-post si Cesar ng GCash number sa kanyang Facebook page para sa mga taong nagnanais magbigay ng donasyon habang nagkakantahan sila ng mga kaibigan niya.
Ang American singer na si Keith Martin na may one hit song sa Pilipinas na "Because of You," si Alvin Anson, at ang former Boyfriends member na si Joey Obando ang ilan sa mga kaibigan ni Cesar na lumahok sa online jamming session.
Kabilang naman sina President Rodrigo Duterte at Robin Padilla sa mga bumati kay Cesar ng maligayang kaarawan sa pamamagitan ng kanilang videotaped messages.
Use these Nike promo codes when you shop or order online. Marami pang ibang coupons dito.