有啲媽媽趁BB訓著咗就會把握時機幫佢撩耳屎，點知BB一擰頭，一轉身，意外就發生喇！
耳垢俗稱「耳屎」，醫學上叫做「耵聹」，呈酸性，有殺菌、抑制黴菌生長、粘附灰塵嘅作用，仲可以保護外耳道嘅皮膚。
{adv here}
{adv here}
其實幫BB撩耳屎係一個壞習慣，因為耳屎喺空氣入面好易變乾，形成一片片，食嘢時會跟住下頜關節運動跌出嚟，瞓覺扭動頭部時耳屎亦都可能會跌出嚟。
所以，耳屎唔多嘅話可以唔使理，更何況佢有保護外耳道嘅作用。一般情況下，唔需要經常幫小朋友清理耳屎。
經常幫BB撩耳屎有乜壞處?
BB外耳道仲未發育完成，而且外耳道通常呈扁平縫隙狀，撩耳時會比較困難，加上耳仔皮膚好幼嫩，成日撩耳就好容易造成損傷，輕則耳內皮膚受傷引起發炎，生癤生瘡，嚴重嘅仲可能會整穿耳膜，影響BB聽力。
{adv here}
點幫BB清理耳垢？
如果BB有好多耳屎積聚，耳屎變乾、甚至塞滿耳道，又無法自行排出嘅話，就有可能帶嚟唔好嘅影響，例如影響聽力，造成耳聾，或者因為耳仔堵塞而引發感染或者耳鳴等等。
可以試吓以下方法：
第一步：BB瞓覺前幫佢滴一至兩滴耳藥水。畀BB平瞓喺床，之後將佢頭打側，冇塞嘅耳仔喺下面，塞咗嘅耳仔係上面。滴完藥水後，要畀小朋友保持呢個姿勢2分鐘，令耳垢充分稀釋。
第二步：喺BB有問題嘅耳仔入面塞一個用消毒棉花球整成嘅耳塞。第二日將耳塞攞出嚟，耳垢就有可能會黐咗喺上面。如果以上嘅做法冇用，就應該去搵醫生幫忙。
資料來源：GreatDaily
