雅虎香港新聞 
大細超！偽毒坤哥紅館騷 只請女義工
吳業坤(坤哥)的紅館處男演唱會將於8月10日舉行，坤哥近日除忙於拍劇，又要為演唱會綵排，真係覺都冇得瞓！據知坤哥今次演唱會銷情甚佳，幾乎係一票難求(好似係)，所以大家都好期待到時有咩好歌聽！而今日網上就瘋傳一個「義工招募」短訊，指坤哥演唱會需要義工，不過就只限女仔！坤哥果然食慣好西…
續下頁
延伸閱讀︰
「真兇」自首 林志玲被辱罵真相公開
《男人食堂》最終回 細寶Mayanne自爆「性經」
坤哥出道後喺大台捱咗多年，一直都未有代表作，直至去年喺頒獎禮上一哭成名，先令更多人認識佢的音樂作品！今年更可以踏上紅館舞台開騷，絕對係個勵志故事！
當初唔少人擔心坤哥演唱會門票銷情，誰不知優先訂票時官方就宣布已賣出八成票，到公開發售時，個座位表直頭漆黑一片，只剩下少量背台位！呢刻大家先知原來坤哥係咁受歡迎的，難怪咁多人幫佢諗演唱會歌曲清單啦！
而今日網上就瘋傳一個「義工招募」短訊，指坤哥演唱會想邀請中學生以上的女仔做義工，要喺Opening上台，有衫、眼鏡同飯盒提供。演出完呢？有買飛就返自己位繼續睇，否則… 請你自行離開。待遇咁優厚，又可以榮幸地與坤哥同台演出，真係好想去！點解小編唔係女仔！
唱片公司方面就話請義工係真有其事，係演唱會其中一個安排，但為咗帶俾觀眾驚喜，所以唔方便透露詳情。
雖然坤哥一向都以純情毒男形象示人，不過佢其實大把前科，經常都可以一親女神香澤，所以網民紛紛鬧爆佢「偽毒」！如今又偏心地只准女仔做義工，真係豈有此理！
