今日好忙，無時買餸，提議外出用膳。老公話不如行遠少少，去試下呢間番茄濃湯•瑞士雞髀專店。其實這間餐廳都開咗有大半年，一直都未有時間幫襯。 睇過網上資料，原來呢間冰室已經係餐廳嘅第二間分店，可見有一定實力。門口的紅字店名非常搶眼，大大個，離遠已可看到。 冰室裝修走懷舊風，店內掛滿歌舞廳、飯店、茶檔、電影院等招牌，加上四周的復古...擺設、特色霓虹燈牌等，令人有種重溫舊日時光之感。 先細看餐牌，食物以港式美食為主，除了主打的番茄湯和瑞士雞髀外，還有不少湯粉/麵/飯、特色小食和飲品等供應，選擇也不算少。 「特色番茄濃湯通粉」同「瑞士雞髀」係冰室嘅兩大人氣招牌美食，一場嚟到，當然不可以錯過。揀咗個雙拼套餐，只是 $55，通粉可轉螺絲粉、意粉、米線、公仔麵或湯飯，而且還可選辣或不辣，另外亦可以轉香濃豬骨湯底。 番茄湯底食得出係用新鮮番茄煮成嘅，色澤鮮艷吸引，入口濃稠得宜，酸中帶甜，味道自然，也喝得出有加香草及紅酒調配，足證真材實料。意粉煮得剛剛好，甚有咬口，火候掌握得很不錯，再配上嫩滑嘅牛乳炒蛋，Creamy 好吃。 招牌瑞士雞髀亦常美味，大大隻、啖啖肉，而且瑞士汁甜度啱啱好，滷得夠時間又入味，咬落肉質嫩滑，無渣兼有肉汁，絕對值得推介！ 另外點咗焗鮮茄豬扒飯 ($60) 同西蘭花。豬扒飯甫上桌已散發濃郁番茄香氣，令人胃口大開。豬扒大大塊，非常厚身，吃落有口感和肉味，加上輕煎過而非油炸，不覺油膩。炒飯粒粒金黃，吃落有蛋香，配上用新鮮番茄調製而成的茄醬，簡直是完美嘅結合。 焗芝士西蘭花 ($40)，西蘭花焗得剛好，送上來時仍火燙熱辣，食落頗爽口，唔會太腍身，加上沾滿了溶化的芝士，咬下啖啖“芝”味，水準真的不錯。 所有湯粉/麵/飯均可以半價配飲品一飲。點咗華田脆脆 (+$12) 同新鮮菠蘿冰 (+$12)，阿華田由細飲到大，味道熟悉，呢杯亦唔錯，濃郁香甜，加埋面頭的脆脆，懷舊得嚟又有新意，飲完真係透心涼。菠蘿冰用新鮮菠蘿肉炮製，大大粒，啖啖鮮甜，果香十足又夠清新！更多

懷舊唔係一個貶義詞，佢係代表住一個世代既回憶就算 大時代每日點樣變遷，只要保持住呢份純真既信念， 有D野點變都一樣可以歷久尚新，心態就係一種 橋樑 令你唔會同社會脫節。同樣由細食到大既 冰室陪伴我長大食既除左係野食既味道之外， 就係果份燃燒青春既印記。今時今日能夠仲可以 食返呢種味道，的確係好難得，所以令我再次 返黎幫襯既「樓下...冰室」，就係見證我對呢份 味道既執著同埋最真摯既感情。👇 - 📌樓下冰室推介 - ▪ 特色番茄濃湯通粉 · 牛乳炒蛋 · 招牌瑞士雞髀 - $55 ▫ 食過返尋味既番茄濃湯通粉，係我最愛之一， 湯底用左海量級既番茄熬製，所以入口特別清甜， 而且番茄味相當濃郁。最抵讚係個炒蛋食落唔會 太老，夠哂鮮嫩幼滑，唔錯。而隨書附上既 招牌瑞士雞髀亦係餐廳必食之一，雞肉吸收哂醬汁， 再經過時間既烹調，變得非常入味， 食落濃郁嫩滑，認真抵讚！ - 📌特色主食 - ▪ 焗鮮茄豬扒飯 - $60 ▫ 係細細個既味道呀，焗豬真係難以抵擋既 邪惡之最，每塊厚切豬扒就好似魔鬼既誘惑咁， 令你愈食愈開胃。而豬扒厚得黎夠鬆化， 唔會太軟腍，有返佢應有既口感，而且完全 唔乾身，唔錯；而飯底既濕潤度岩岩好， 加埋芝士既配搭，成個飯既層次感非常突出。 - 📌特色飲品 - ▪ 咸檸七 - $24 ▪ 檸檬可樂 - $24 ▫ 經典咸檸七配上凍檸樂，咸檸七鹹同甜 之間擦出愛火花，令成個感覺好舒服； 而凍檸樂為求果一啖Gur，將返工既壓力 發洩哂出黎。 - 📍 樓下冰室 🎈鰂魚涌英皇道967號地下更多

位於英皇道的樓下冰室,是一間比較老式的茶餐廳.早上來一杯咖啡,很香,很好味.配上一份吐司,真的是一個很不錯的配搭.