岑杏賢生日Party曝鑽戒 靚湯爆將為人婦 10月9號生日嘅 岑杏賢 Jennifer Shum 獲湯洛雯、朱千雪、蔣家旻同張嘉兒 一班姊妹舉辦驚喜生日派對慶祝,當中Jennifer更加大騷手上嘅閃爆鑽戒。雖然日前Jennifer先話暫時唔會結婚,不過當中幾位姊妹就不約而同以「Bride to be」嚟形容佢,加埋手上嘅鑽戒,相信好消息好快就會公佈喇。 朱千雪仲提到自己去年結婚時,搶到花球嘅就係Jennifer,仲話今次係為Jennifer舉辦婚前派對添。而張嘉兒更加係恭喜Jennifer加入人妻俱樂部。 Jennifer喺2013開始同袁偉豪拍拖,雖然外界對呢對情侶認受性極高,不過兩人2016年底無奈分手,直至今年初,Jennifer公開宣佈同從事金融業嘅圈外男友拍拖,到現時拍拖大概一年。 至於袁偉豪就喺早前宣佈,去年已經向張寶兒求婚成功,更聯名購入超級豪宅。 (Instagram圖片) #岑杏賢 #準新娘 #32歲 #生日快樂