李澤邦煤氣公司變魔術 陳茵媺展廚藝 即製Risotto

一個設備齊全嘅廚房，炮製起美食上來都特別得心應手。煤氣公司旗下嘅高級品牌Mia Cucina，由廚房設計，至煮食爐具、雪櫃、洗衣乾衣機等，提供一條龍服務，啱晒怕麻煩嘅人！

Mia Cucina日前舉行產品發布會，當日介紹廚具嘅方法別開生面，大會請咗魔術師李澤邦到場，仲搵埋靚太陳茵媺（Aimee）做助手，只見佢哋將新鮮食材放入煮食爐，係咁易變一變，即變成美味意粉。第二個魔術仲特別，二人靜候廚房焗麵包之際，阿邦請Aimee揀咗一隻啤牌，撕下其中一角保留，再請Aimee將啤牌其餘部分撕碎，放入袋中；此時麵包焗好了，Aimee揀咗一個來吃，沒想到裏面居然藏有佢之前揀嘅啤牌，缺角位置同佢手上保留嘅一角完全脗合，好神奇！

魔術固然精采，但點都唔及呢個靚廚房吸引。聽煤氣公司執行董事暨公用業務營運總裁黃維義講，Mia Cucina意大利文解作「My Kitchen」，有家的感覺，公司早在2010年引入品牌，應用喺唔少新盤中，到依家佔有率超過30％。

傳遞家的感覺

香港人煮飯好多時都係中西合璧，Mia Cucina正好啱晒各位嘅靚太需要，8,000瓦火力嘅煤氣煮食爐，可以炮製講求火喉嘅中菜，夠晒「鑊氣」；而爐架設計，更可同時適用於西式平底鑊和中式炒鑊，咁買多幾個鑊都唔怕啦！當日Aimee仲即席炮製黑松露Risotto，聞到松露香氣時，黛安已經流晒口水！