娛圈蒸發人物 彭子晴去咗邊?
娛樂圈新陳代謝隨時快過你啲皮膚細胞,同年出道嘅,幾年後已經有人上位、有人淡出、有人北上賺人仔、有人轉行做生意,佢哋曾經為觀眾認識,而家又去咗邊?
彭子晴
九十年代被TVB力捧的五美之一,最為人熟悉就喺《真情》飾演阿靜。之後過檔亞視主持節目,然後就淡出,據講做緊保險!
黃伊汶
原名黃愷慈,2001年以清新少女形象簽約成為環球唱片旗下歌手,有「少男殺手」之稱,更成為IFPI香港唱片商會「最暢銷本地女新人」。2003年再以性感舞蹈形象重新出發,佢唱嘅《戒男》同《好睇》大家仲記得嗎?2006年開始以拍電影為主,2008年8月再度復出樂壇推出廣東專輯《The Groove In Me》。近年轉戰商場,主要經營美容院及手錶生意,男友係《少林足球》嘅小龍陳國坤,經常被傳好事近。
范曉萱
當年以小魔女的形象出道,立即成為男孩們心目中的女神,連唱兒歌都大受歡迎。之後嘗試由可愛活潑風格轉型,改走反叛搖滾風,近年演出有與梁朝偉合演《聽風者》。
葉玉卿
1985年獲亞姐季軍後星途平平,毅然於1991年一口氣接拍3部激情片《我為卿狂》、《卿本佳人》、《情不自禁》,結果一脱成名。隨即喺1992年進軍樂壇,包括耳熟能詳嘅《擋不住的風情》,成功轉型。1996年卿卿突然宣布息影,嫁给美國華裔商人胡兆明, 婚後兩人定居美國,更先後誕下3個小朋友。前年曾回歸香港參演賀歲片。
是日精選
娛樂睇呢啲︰X我 請留言 - 夏蕙BB讀你哋嘅留言 鬧嘅照讀!