多蒙特隊長馬高萊斯啱啱同球隊續約一年，萊斯接受訪問就話「呢間球隊對我嚟講真係好特別，而我一直都想同一班隊友一齊追逐唔同榮譽，呢度嘅所有野都令我好自豪，所以我真係好開心仲可以續約一年，而係多蒙特退役一直都係我嘅願望，呢樣野從來都無變過😎。」
呢位德國🇩🇪中場又話「我成日都話每個人都應該為自己職業生涯負責，而多蒙特曾經擁有好多出色球員，比較遺憾嘅係佢哋作出唔同決定，大家之後走咗唔同新嘅路，但係佢哋嘅決定需要得到尊重。而我從來無因為其他人走咗所以都要離開球隊嘅諗法，我一直都想話比大家聽，無論多蒙特發生咩事都好，我都會留低☺️。」
萊斯最後就話「雖然呢度有時候發展得唔係好順利，但多萊特對我嚟講就係屋企同埋簡單生活。而我知道呢度不嬲都係好靚嘅地方，大家都會歡迎我，而我永遠都唔想錯過呢啲時刻，所以我嘅決定由始至終只係得一個😁。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/p/CkfcN9kyz3M/
