【星級理財】任達華：住細啲唔緊要　做人最緊要保住個頂！

任達華是娛樂圈中出名的「樓王」，在世界各地持有數十間物業。入市眼光更是令人佩服，2003年沙士、2008年金融海嘯均趁低買樓。得意之作是金融海嘯後人棄我取，在倫敦黃金地段Mayfair買入頂級豪宅。

華哥接受iM專訪直言，自己在TVB工作了17年才上車，以此經歷勉勵年輕人，努力裝備自己，同時「買樓是要令自己和家庭安心，買唔到大樓，住細樓；唔緊要，住咗先！」想上車的年輕人，向「娛圈樓神」學習吧！

買樓係要令到自己的家庭，令到自己個人安心，做人，最緊要保住個頂！所以買唔到大樓，我住細樓；唔緊要，住咗先，但係如果個樓市跌嘅時候，都唔緊要，始終我都要住嘅，總之我覺得買樓唔好炒賣得㗎啦，隨遇而安。

他坦言自己也是由細單位一步步升級，「我唔可能一年就買5,000呎間屋！唔緊要，我初初租樓都係400呎，（租金）佔我人工三分一。今時今日，（年輕人）買唔到800呎樓，唔緊要，我可以買個200呎，Okay嘅！200呎樓買唔到，唔緊要，我買160呎嘅樓，Okay！我成日都俾希望年青人，香港係一個好好嘅地方，係一個好機會主義嘅地方，好容易令到你一夜之間變成另一個人。」

他勉勵年輕人裝備自己，當機會來臨時迅速把握，終有出頭的一日。華哥亦期望香港政府擴闊年輕人的發展空間，「俾多啲年輕人希望，好緊要！如工作的希望、創作能力的希望。佢哋有創作能力，去到度度都能夠（成功）。」

不滿賺到盡 對領展失望

任達華是藝人當中出名的「黃大仙」，每當他遇上粉絲要求合照，總是有求必應，而且禮貌周周，從不黑面。但一向溫文的華哥，談起領展（00823）的時候卻稍為不悅。

領展經常被批評年年加租，欺壓屋邨商場的小商戶，華哥也感到不滿：「我唯一一樣嘢有少少失望，就係領展。佢做唔到回饋返俾老百姓！（記者：即是不應該賺到盡？）係！唔好賺到咁盡，因為有啲嘢要回饋返俾老百姓，等佢哋繼續生存。例如（一個小商戶）有5個員工，養5個人，每一個人（家庭）入面都有3個人，係一個循環！」

華哥坦言，領展只懂為股民爭取回報，忽略回報社會，應取得平衡，「應該分區，有啲地方可以Support到，貴啲（租金）唔緊要。但有啲地方Support唔到，（可以）平返少少俾你（商戶）。（好像）中環咁唔緊要，個個都大老闆咁你咪貴啲囉？停車場都貴啲，唔緊要㗎！如果我去到長沙灣或其他地方，平啲Okay？我（領展）本來賺13%，我宜家賺8%得啦，你哋（商戶）繼續喺度循環，咁你（領展）條數都一樣咋嘛。」

▲ 第517期《iMoney Focus》封面人物任達華。

「君子愛財，取之有道。」在金錢世界裏，實際做到的能有幾人？任達華除了是謙謙君子，原來也是一個「良心業主」。他透露自己有一間屋，可以加租5,000元，但見到租客住得開心，「得！唔加你租，你繼續住！令人開心，自己開心。」他又說英國一間屋早前結束租約，便落重本裝修，不足3日便獲承租：

同我裝修得好啲，等下個租客入嚟住得舒服啲！3日咋，個租客就自動加你人工，佢話我俾多啲你，你租俾我啦！

可見最重要是賺得有良心。

節錄自第517期《iMoney Focus》，如欲查看更多星級理財的內容請按此。