關閉留言功能！張栢芝煮糊仔畀孻仔晒母愛

女星張栢芝近日是非纏身，日前佢上內地節目被問到囝囝鍾意嘅菜式時，竟然答非所問，更自爆天生食素，從來冇食過肉。隨後，有網民翻出栢芝喺另一節目食肉嘅影片，被大批網民質疑佢講大話。而曾表示永不錄用栢芝嘅電影製作人陳嵐日前喺微博發表長文，直指有人「說謊成癮」，更指對方「讀書少」、「心理扭曲」，言論令人不禁聯想到栢芝。

未知栢芝是否飽受網民輿論壓力，今日佢關閉ig留言功能，不過照舊分享日常生活，上載為孻仔「小王子」煮南瓜糊仔嘅短片，並留言「每一天想着每一樣不一樣的餐譜，非常（有）滿足感，沒有小孩子的人可能不明白，總有一天有小孩子的朋友們就會明白是一種多麼喜悅的樂趣！」大騷母愛，似係為自己平反。