宜家傢俬推太陽能LED燈引發熱論　網民：國家終於有任務畀聞西

宜家傢俬（IKEA）近日推出產品「太陽能LED燈」，並在facebook專頁發帖推廣，令網民聯想到經典電影《國產零零漆》中的「太陽能電筒」，爆笑留言「聞西原來去咗IKEA 做」、「聞西！國家終於有任務畀你」。

IKEA在facebook發帖，在「太陽能LED燈」圖片中配上「我，是一盞太陽能枱燈，請不要嘲笑我。」，帖文又寫：

我唔係你哋諗緊嗰啲乜乜太陽能電筒呀......我唔需要長期擺出戶外，或者畀太陽照住，都一樣發到光！因為我身上嘅太陽能板，可以將日光轉換成電力，就算到夜晚，一樣可以為你帶嚟光明。

▲ IKEA推出「太陽能LED燈」。(faceboook圖片)

不過，仍有大批網民聯想到電影《國產凌凌漆》中的「太陽能電筒」，與IKEA小編的對答亦非常爆笑。有人笑言「聞西原來去咗IKEA 做」、「聞西！國家終於有任務比你」。

有網民笑問「有無集10種家電於一身，攞你命4000」，小編回應「大少，你記錯嘞，十種家電於一身係百變星君丫」。有網民追問，「冇光咁點呀？」IKEA小編回應指，

無光，係會著，有光，佢係絕對唔會著，呢啲先襯得起我灑脫中帶點不羈嘅創意風格，最重要嘅係，著左，佢都唔夠光，主要係用嚟畀你著番拖鞋去搵燈掣，問你死未。

根據官網介紹，這盞太陽能LED燈內置1粒太陽能充電電池，需放在可接觸陽光的地方充電，時間約需9至12小時，可使用約12小時，燈膽的使用壽命約為2萬小時。