瘋語童路 瘋言瘋語記低童年走過的路。 【瘋語童路】是也~~~

215愛的鼓勵 0訂閱站台

今日又係毅行者訓練o既日子, 不過同上次有d 唔同, 因為今晚我地係行通頂呀!!

點解要通頂? 冇計o家wor, 正式比賽果陣都係有d 路段要通頂行o家啦, 而家練定就差唔多o家喇。

未去之前, 我地去o左阿陸佢地o既男生宿舍大食會, 我同michael 遲去, 去到估唔到有咁鬼多人wor, 成廿幾人o係間屋入面呀!!

食完野, 又影下相, 我地都差唔多時間要出去喇, 咁我地毅行四人加michael 就出發喇。
唉, 其實心情真係好沈重, 上次行兩段都行到死死下喇, 今次仲要行通頂, 仲要行最難行o既三四段, 一定死得!!

渣車出去, 去o左市中心先, 之後就再入去閘口等的士, 有的士喇, 咁我地就打的入去北潭凹, 我地今日o既起點。
拉拉拉拉筋啦當然, 拉完我地就去喇!! 第一次行第三段, 聽講係最難行o既, 好緊張tim!!

一開始行牛耳石山, 由於有定心理準備, 到上到去頂果陣, 反而覺得ok wor, 不過其實最大o既原因係我地o岩o岩起步, 當然冇咁快累啦。
上完牛耳石, 一路都係上山落山, 莫講話今日係深夜, 就算朝早行都唔係好知自己o係邊啦!!

一路行一路行, 我地又吹下水咁, 之後我地就要上雞公山喇, 又係一個著名o既難行山, 頂...住呀!!
不過呢, 我地一路行都o係度諗笑話講, 講講下, wa, 上完雞公山喇wor, 真係彈o左一句 --- 咁易o既?!

上完山, 就係最開心o既時間, 當然係落山啦!! 錯喇, 落山都唔好得去邊, 一路唔停咁落, 好似落極都落唔完咁!!!
落o左好耐就到水浪窩喇, 真係好掛住呢度!!!!

休息完, 仲要因為我同阿陸唔多夠水, 問o左d o係果度BBQ o既人"些"水, 阿城仲話有個係TVB o既明星仔, 不過我睇唔到~~
又出發喇, 上馬安山, 一路行一路行, 初初路段都ok 好行o家, 就上山果陣見到有警車and 救護車, 不過唔知咩事, 直到上o左一陣山, 咁就見到有兩個救護員又上緊山, 咁就知有人出事喇。

其實都唔係咩大件事o者, 不過最正就係話call o左直升機wor, o者係有機會見到囉?!
哈, 真係呀! 冇耐之後就有直升機黎搵人喇, 仲要o係我地前面唔係太遠o既地方停o左tim, wa, 仲唔追上去睇?!

上呀上, 上呀上, 上o左好耐先到現場, wa! 好壯觀呀!! 直升機就o係我地十多米前面救人, 我地差唔多睇晒成個過程, 太正喇!!

睇o左十多分鐘咁就救完人喇, 咁我地又再出發lu!! 由於直升機o既關係, 所以唔駛好耐又過埋馬安山, 今日實在太正喇。
之後一路行, 一路行, 開始累, 又開始眼訓, 所以之後o既路都好難頂, 一路行, 行到天都光!!

咁就行o左一整晚, 真係唔多信, 一直行到去獅子亭, 呀!! michael 呀!! 見到michael 係好事, 因為可以坐車車返屋企喇!! 好感動!!!
上車當然大昏迷, 返到屋企又係昏迷, 就係咁, 我地就過o左今次咁正o既訓練喇!!

16/9/2005 風四字