【娛樂新聞台】Face To Face成員吳少芳因癌離世
90年代女子組合Face To Face成員吳少芳因癌病離世,終年54歲。Jodi於1988年透過新秀比賽入行,同好拍擋Connie蔡慧玲於1990年組成女子組合Face To Face加入樂壇,旋即獲得多個新人大獎,並推出多張唱片。但於1992年,Jodi遭遇一場交通意外留醫多月,事後四肢癱瘓,Face To Face亦無奈解散。但事故並未打擊Jodi嘅意志,多年以來都以積極嘅態度面對,更於2019年以嘉賓身份出席鄭秀文嘅個人演唱會,再次為觀眾獻上歌聲。