內地親子真人騷爆紅！《爸爸去哪兒》前導演謝滌葵承勢推出《想想辦法吧！爸爸》對撼《爸爸去哪兒6》。節目邀請了黃貫中(Paul)、朱茵、洪天明及周家蔚等明星家庭參與，由星爸帶著子女去旅行，體驗不同美景，考驗湊仔能力！《想想辦法吧！爸爸》尚未播出，已經有預告花絮，洪天明更開宗明義話要做暖爸，但似乎力有不逮！
登入 瀏覽本網站，可獲取積分換領專屬優惠
點擊查看專屬優惠
《想想辦法吧！爸爸》節目形式和舊版《爸爸去哪兒》完全不一樣：明星媽媽離家後，由明星爸爸帶領孩子尋找媽媽。節目係一個無間斷24天x24小時全天候拍攝的「紀錄片式」真人騷，比起玩玩遊戲、三天兩夜的簡短旅行，星爸在《想想辦法吧！爸爸》要獨力照顧孩子將近一個月，對粗枝大葉的爸爸們都係巨大挑戰。
洪天明同周家蔚有兩個仔仔，大仔洪大仁今年5歲，細仔洪竟琋只得3歲。兩個百厭男孩活力驚人，洪天明要自己一個人湊，實在有難度！
周家蔚曾在IG貼上預告，話拍攝整個節目時連結24天都會被沒收手機，與外界斷絕聯絡！
▲NOW TV《想想辦法吧！爸爸》花絮影片截圖
據知洪天明在《想想辦法吧！爸爸》話自己好享受湊仔，在香港已習慣為兩個孩子換片、餵奶。但節目中卻蝦碌不斷：細子洪竟琋抱住媽媽一直爆喊，唔肯離開；兩兄弟到商場買玩具，哥哥洪大仁不但空手而回，連弟弟都唔見埋，搞到天明大嗌：「細佬呢？」完全照顧不來！
▲NOW TV《想想辦法吧！爸爸》花絮影片截圖
洪天明誇下海口話要做個暖爸，但似乎老婆周家蔚不太看好。
▲NOW TV《想想辦法吧！爸爸》花絮影片截圖
劇組人員在《想想辦法吧！爸爸》花絮中問洪大仁和洪竟琋，願不願意跟他們交換爸爸。問題一問完，大仔秒間爆喊，大大滴眼淚流出嚟，嚇得洪天明立即上前安慰：「笑啦！笑啦」即破涕而笑，估唔到大仔咁痴身！
▲NOW TV《想想辦法吧！爸爸》花絮影片截圖
▲NOW TV《想想辦法吧！爸爸》花絮影片截圖
細仔洪竟琋聽到要換爸爸本來無反應，但當劇組提出用100個lego交換爸爸，洪竟琋即刻醒目講價：「200個！」完全出賣爸爸洪天明，性格跟哥哥相反，令洪天明大感無奈！
▲NOW TV《想想辦法吧！爸爸》花絮影片截圖
《想想辦法吧！爸爸》花絮中，爺爺洪金寶都有俾面現身。其中一幕洪天明及周家蔚一家四口同洪金寶玩cam，洪金寶得知兒子要帶2個乖孫拍攝真人騷，大叫擔心，驚乖孫搞搞震，洪天明搞唔掂。
不過洪金寶非常錫洪大仁及洪竟琋，叮囑洪天明唔好罵乖孫，惹來天明不滿：「你以前都係咁對我，打得更厲害！」
▲NOW TV《想想辦法吧！爸爸》花絮影片截圖
天明同仔仔玩就好玩得，但要教育佢哋就有難度！
▲NOW TV《想想辦法吧！爸爸》花絮影片截圖
▲NOW TV《想想辦法吧！爸爸》花絮影片截圖
大仔洪大仁喊功驚人，只因爸爸搶去電視搖控就大喊大叫，連細佬都嚇親。
▲NOW TV《想想辦法吧！爸爸》花絮影片截圖
洪天明要即刻呵返仔仔，暖爸形象出晒嚟。
平時湊仔都係周家蔚一腳踢，兩個仔仔都愛媽媽，今次要同爸爸獨自相處，唔知仲會有咩烏龍笑料呢？