【明報專訊】張敬軒（軒仔）早前獲邀到韓國首爾出席手機品牌發布會，並以「練習生」題材拍攝一系列短片。日前軒仔以「模範學長」的學生Look出席「練習生開學禮」活動，近700名粉絲及觀眾亦穿上校服到場；軒仔唱歌又玩遊戲，當玩「軒公許願池」時，有女粉絲想跟軒仔扮《鐵達尼號》男女主角在船頭的經典場面，由於身高關係，軒仔要跪在女粉絲後面從後攬着，他又自備風扇營造海風，引得全場大笑；當響起《鐵達尼號》主題曲時，軒仔便起來再次從後抱着女粉絲，還面貼面，令全場尖叫，該女粉絲開心笑又怕醜掩面。另一女粉絲希望軒仔在她面前撒嬌，軒仔立即蹺着對方手臂及將頭挨落膊頭，溫柔說：「你唔好唔開心啦。」又引得台下粉絲起哄。
原本軒仔有跳舞環節，但他嫌自己跳得不好睇，派出「軒公學園」兩名練習生即時編排舞步，然後將個台交給他們。軒仔唱了多首歌，壓軸唱《隱形遊樂場》，為照顧後方的觀眾，他走到後場位置獻唱。
娛樂組
