(唐奕聰猝逝)太極現身哀悼 雷有輝:希望繼續同佢靈魂聯繫 太極樂隊成員唐奕聰(Gary)日前(3日)發現在家中昏迷不醒,疑因心臟病發猝逝,享年57歲。無綫特備節目《勁歌金曲 懷念唐奕聰》進行錄影,太極樂隊現役成員現身電視城,眾成員坦言事出突然仍然難以鐸懷。 Joey Tang表示成員節目中會分享跟Gary合作30多年的點點滴滴,他生前帶給他們的感覺以及幫助。問到Gary的身體狀況,Ricky坦言過去數年身體的確有點弱。盛旦華說:「2018年Gary曾經試過唞唔到氣入咗醫院,當時醫院話佢個心臟弱一啲。」Joey Tang說:「Gary係一個好堅強嘅鬥士,2018年後我同佢去過好多唔同嘅地方,我見到嘅係佢每一朝都喺泳池度鍛鍊自己,佢想鍛煉返自己個身體。」 Patrick接說:「佢嘅笑聲,佢嗰種樂觀嘅態度,同埋正能量。其實佢個人走咗,但都會留低咁有衝勁,好有動力嘅靈魂留住喺我哋每一個人嘅心裏面。呢一樣野係最緊要,希望大家繼續同佢嘅靈魂有聯繫。其實佢而家喺度,唔需要咁擔心咁唔開心,因為佢係一個好樂觀嘅人,佢都唔想咁樣。佢只不過係在高層次,唔係用肉身,佢用緊意念或者老電波同我哋溝通。好犀利,大家都應該要接受,更加多啲聯繫。」 問到Gary太太心情如何?Patrick說:「我今日都有搵過Gary太太,同佢講今日我哋會上節目,問佢有啲乜嘢想同大家講,但佢話所有嘢都留待Gary嘅安息禮再同大家講。」 #勁歌金曲懷念唐奕聰 #太極樂隊 #雷有輝 #鄧建明 #JoeyTang #劉賢德 #盛旦華 #朱翰博 #唐奕聰
(唐奕聰猝逝)太極現身哀悼 雷有輝:希望繼續同佢靈魂聯繫 太極樂隊成員唐奕聰(Gary)日前(3日)發現在家中昏迷不醒,疑因心臟病發猝逝,享年57歲。無綫特備節目《勁歌金曲 懷念唐奕聰》進行錄影,太極樂隊現役成員現身電視城,眾成員坦言事出突然仍然難以鐸懷。 Joey Tang表示成員節目中會分享跟Gary合作30多年的點點滴滴,他生前帶給他們的感覺以及幫助。問到Gary的身體狀況,Ricky坦言過去數年身體的確有點弱。盛旦華說:「2018年Gary曾經試過唞唔到氣入咗醫院,當時醫院話佢個心臟弱一啲。」Joey Tang說:「Gary係一個好堅強嘅鬥士,2018年後我同佢去過好多唔同嘅地方,我見到嘅係佢每一朝都喺泳池度鍛鍊自己,佢想鍛煉返自己個身體。」 Patrick接說:「佢嘅笑聲,佢嗰種樂觀嘅態度,同埋正能量。其實佢個人走咗,但都會留低咁有衝勁,好有動力嘅靈魂留住喺我哋每一個人嘅心裏面。呢一樣野係最緊要,希望大家繼續同佢嘅靈魂有聯繫。其實佢而家喺度,唔需要咁擔心咁唔開心,因為佢係一個好樂觀嘅人,佢都唔想咁樣。佢只不過係在高層次,唔係用肉身,佢用緊意念或者老電波同我哋溝通。好犀利,大家都應該要接受,更加多啲聯繫。」 問到Gary太太心情如何?Patrick說:「我今日都有搵過Gary太太,同佢講今日我哋會上節目,問佢有啲乜嘢想同大家講,但佢話所有嘢都留待Gary嘅安息禮再同大家講。」 #勁歌金曲懷念唐奕聰 #太極樂隊 #雷有輝 #鄧建明 #JoeyTang #劉賢德 #盛旦華 #朱翰博 #唐奕聰