本帖最後由 wheno 於 2016-1-3 16:21 編輯
我早幾個月都經歷過CLAIM保險, 同樣我都有買全保險....我分享一下希望幫到你
意外時我在中線, 左線有車CUT出中線, 我的左前撞到佢右後, 意外後差人到場, 當時看了表面証據, 差人暗示我錯, 我就問左一句"要不要看一下CAM?" 我也很亂... 對方認為我錯, 差人勸和解... 落左CASE後各自解散傾...
一小時後對方打來話整車要13000, 連埋租車立立什什要我約17000, 我當時回了"你架車, 5000元, 和解要不要?" 再加一句, "5000, 17000, 70000 對我無分別" 就不歡而散... 看了CAM後我覺得我無錯, 就去了差館落口供, 第二日把CLAIM FORM, 報案相關資料比左保險公司...
這裡我重申這是諗住CLAIM 全保的, 所以咩都唔理, 就回了原廠, 之後他們找了公証行看了.... 保險就出 批文開始整車... 這裡足足拖了一星期... 之後保險就SEND左單比我, 係整車總數, 折舊多少, 和墊底5000.... 叫我拎車時比 折舊+5000 比車房, 滿意就簽名, 佢地會過數比車房... 留意所有有關件事的新資料都要FAX比保險...
幾個月後, 我收到交通部信件, 話唔會告我, 會告對方, 我即FAX比保險, 第二日就MAIL我話收到並會展開追討... 另外保險的公証行主動找我問要否幫手, 抽15%... 我就比晒單佢攪了... 拎到幾多得幾多啦...
不過到目前為止, 未上庭應未咁快追番錢...... 4月續保唔知會否有影響了... 但我也明, 如果先扣NCD 我也要接受...
順便講一下, 我的前7市價, 5-60000... 每年報價, 三保同全保都差左成70-80%... 但計番其實只係幾百蚊, 1100 同 1900 分別, 所以我都一直買全保.... 在今次事件好處是整車番原廠, 唔用就住就住... |