林敏驄新片與伍詠薇演前夫妻 二人訪問鬥嘴鬥唔停 林敏聰 同 伍詠薇 Christine Ng 喺新片入面飾演一對前夫妻,呢日佢哋就同 馮素波 - 波姐喺大廳 Will Or 柯煒林 吳肇軒 Siu Hin Ng Yanny Chan 陳穎欣 以及 羅莽 等一齊為電影進行開鏡拜神儀式,久未露面嘅羅師父仲即場展現一招半式嚟搞氣氛。 講到戲中同伍姑娘嘅關係屬於男尊女卑定女尊男卑?林敏驄鬼馬咁話:「一人一尊啦!好似腐乳咁。」戲中雖然會有嗌交戲,但係伍姑娘話因為對手係林敏驄嘅關係,令場戲都變晒味,大家喺現場都忍笑忍得好辛苦,聽到拍檔咁樣講,林敏驄當然要出聲為自己辯駁一下,但係講唔夠兩句伍姑娘就叫佢唔好嘈,令林敏驄即刻話:「你都大膽叫我唔好嘈。」之後伍姑娘扮嬲咁拋下一句:「我忍你呀!」 戲中飾演林敏驄囡囡嘅Yanny,話對方對自己超好,好似親生女咁錫,但兩位男士柯煒林膽吳肇軒就話對住林敏驄有時都驚接唔住對方嘅梗喇。柯煒林透露戲中同Yanny有回到即止嘅親熱戲,佢笑言因為之前嘅演出關係,已經畀唔少觀眾鬧佢男女通吃,仲幫佢起咗個花名叫「柯狗」,所以柯煒林話要抖抖唔可以太激呀。 #觸電 #林敏驄 #馮素波 #柯煒林 #吳肇軒 #陳穎欣 #伍詠薇 #羅莽 #親熱戲