【醫健通(資助) 尋找參與疫苗資助計劃嘅私家醫生】
「疫苗資助計劃」為合資格嘅香港居民提供資助接種流感疫苗,每劑為港幣240元。合資格人士包括50歲或以上人士、6個月至未滿12歲兒童、孕婦、智障人士、領取傷殘津貼人士和部分綜援受助人。
有部分參與計劃嘅私家醫生仲提供
#免費 接種服務𠻹! 但點樣可以搵到參與計劃嘅私家醫生,同了解診所資料同收費呢?大家只要跟住下面3個步驟就得喇!
1. 瀏覽醫健通(資助)網頁:
2. 係「選項」中點選「計劃」,再選擇「季節性流感疫苗(SIV)」;然後選擇相關「地區」後按「搜尋」(圖1);
3a. 再喺組別人士嘅下方按「SIV」,就可以搵到該區參與計劃嘅私家醫生名單同個別收費喇 !(圖2)
3b. 而用手機搜尋嘅人士,可以係結果上方嘅「排序」中,「扣除政府資助後的收費(HK$)」欄,選擇你想查詢嘅組別人士後按「套用」就可以喇!(圖3)
提提你,因為接種流感疫苗後,身體需要大約兩個星期,才會產生到足夠抗體預防流感病毒㗎!要保護自己和身邊人就要儘早接種喇!